SIPËRMARRËSIT: DO TË DETYROHEMI TË LARGOHEMI PËR SHKAK TË SHTRËNGIMEVE
Qeveria reagoi dje për herë të parë para rrezikut për mbylljen e bizneseve Call Center, në rast se Senati italian miraton më 6 dhjetor ligjin për zhvendosjen e këtij biznesi në vendet joanëtare të BE- së.
Hapja e negociatave për anëtarësimin e Shqipërisë në BE dhe miratimi i marrëveshjeve për mbrojtjen e të dhënave do të jenë argumentet që qeveria do t’i paraqesë qeverisë italiane. Për këtë qëllim, ministrja e Ekonomisë, Milva Ekonomi, dhe ministri i Mirëqenies sociale, Blendi Klosi, zhvilluan dje një takim me përfaqësues të biznesit Call Center për të dëgjuar argumentet e biznesit, të cilat do të unifikohen në letrën që do t’i dërgohet shtetit italian. Biznesi paralajmëroi se në rast se nuk do të arrihet marrëveshja me shtetin italian, nuk pritet që në Shqipëri të vijnë më biznese të reja, ndërsa ata që janë të pranishëm do të zhvendosen drejt Rumanisë dhe Sllovenisë.
LETRA Gazeta mëson se në letrën që do t’i dërgohet Italisë, argumenti më i fortë që qeveria do të paraqesë për ligjin e Call Center do të jetë hapja e negociatave për anëtarësimin në BE, ku do të kërkohet që Shqipëria të trajtohet e barabartë si vendet e Bashkimit Europian. Në këtë letër do të përfshihen edhe të drejtat e Shqipërisë në marrëveshjet e tregtisë që ka me Italinë, por edhe marrëveshjet e miratuara për mbrojtjen e të dhënave. Ministri i Mirëqenies Sociale, Blendi Klosi, deklaroi dje gjatë takimit se palës italiane do t’i kërkohet që ndaj kompanive Call Center të vendosen rregulla më lehtësuese. “Ajo që do të bëjmë të qartë me partnerët italianë është që tashmë Shqipëria është një vend që ka ndryshuar statusin dhe në raport me Bashkimin Europian, hapja e negociatave që pritet së shpejti, apo dhe pasja e statusit të vendit kandidat mund të jetë një moment shumë i favorshëm edhe në raport me problematikën tuaj. Ne do të vazhdojmë të kërkojmë që rregullat të cilat kërkohen të vendosen nga shteti italian për sa u përket këtyre kompanive, të jenë sa më pak ndikuese në aktivitetin tuaj dhe biznesin tuaj”, u shpreh Klosi. Ndërsa ministrja e Ekonomisë, Milva Ekonomi, tha se kërkesa e qeverisë do t’i përcillet me urgjencë palës italiane. “Duhet të hartojmë një qëndrim që t’ia kalojmë Ambasadës Italiane, e cila do ta përcjellë shqetësimin më lart. Ndërkohë, nga ana tjetër, kemi kontaktuar me ambasadën tonë në Itali, e cila po përpiqet në Ministrinë e Punës në Itali që ta çojë ligjin për rishikim, mbi bazën e argumenteve që po sjellim. Qëndrimi do t’i dërgohet urgjentisht qeverisë italiane”, tha Ekonomi.
BIZNESI Biznesi Call Center paralajmëroi rënie të kërkesës për hapjen e filialeve të reja, për shkak të ligjit të miratuar në Dhomën e Deputetëve. Kreu i Shoqatës së Biznesit Call Center, Gentian Drenova, tha se shumë investitorë italianë kanë pezulluar planet e tyre dhe investimit. “Ajo çka na shqetëson, gjë që e kemi ndarë edhe me anëtarët e shoqatës dhe ministrinë, është që ky ligj mund të ketë konsekuenca afatgjata, pasi krijon një precedent që mund të ndiqet nga vende të tjera dhe ky ligj frenon ardhjen e investitorëve të rinj. Këto 6 muaj ka pasur një interesim për hapjen e bizneseve nga partnerë të rinj, por tani me ndryshimet e ligjit jo vetëm që nuk vijnë, por edhe kanë pezulluar planet e tyre të investimit. Nga ana tjetër, ka pasur një rënie të fluksit të punës në drejtim të Shqipërisë, pasi partnerët tanë italianë kanë pasur rezerva për shkak të ligjit”, tha Drenova. Ndërsa Marin Gjonaj, sipërmarrës në Call Center- in “Pro marketing”, u shpreh që i është kërkuar hapja e biznesit brenda janarit në Rumani. “Shumë prej nesh ju është thënë që të hapin Call Cen- Sipërmarrësi italian, Roberto Caparrota, tha pak ditë më parë për gazetën se ky ligj i detyron të gjitha kompanitë italiane me filiale në Shqipëri që të krijojnë opsionin e lajmërimit të klientit, nëse dëshiron të flasë me një operator që ndodhet në Shqipëri, apo me operatorë që ndodhen në Itali. Por, sipas tij, nëse ky detyrim nuk zbatohet, kompania gjobitet 150 mijë euro. Caparrota tha se këto masa shtrënguese do ta detyrojnë biznesin të largohet. “Problematik është fakti që telefonuesi tashmë do jetë i detyruar të thotë vendin e origjinës. Sipas ndryshimeve ligjore, nëse telefonuesi nuk thotë vendin nga telefonon, gjobitet me 150 mijë euro. Në këto kushte, ne do të detyrohemi të largohemi nga Shqipëria, pasi shtrëngimet e ligjit janë të papërballueshme dhe nuk e kuptoj pse qeveria ka heshtur deri tani”, tha Caparrota. Por sipas sipërmarrësit italian, ndryshimet e ligjit janë dërguar që në fillim të këtij viti në Parlamentin italian, kjo për shkak të lobingut të një nga operatorëve kryesorë, “Almaviva”. ter- a në Rumani brenda janarit 2017. Disa prej nesh nuk e kanë mundësinë ta bëjnë, kurse të tjerët që e kanë do ta bëjnë. Unë jam një prej atyre që ma kanë kërkuar këtë gjë. Në rast se nuk arrihet marrëveshja, do të ndodhë që ritmi i kompanive të reja do të tkurret dhe numri i punonjësve aktualë do të ulet, sepse kompanitë do të transferohen në Rumani dhe Slloveni, ku kostot e punës janë më të ulëta”, u shpreh Gjonaj.