Projekti i mbikalimit
Në vitin 2010, Bashkia e Tiranës e drejtuar nga Edi Rama, i cili sot mban postin e kryeministrit, parashikonte ndërtimin e një mbikalimi në kryqëzimin e “Zogut të Zi”. Por ky projekt mbeti në letër, pasi hasi në rezistencën e Qeverisë, drejtuar asokohe nga Sali Berisha. Projekti për veprën u konsiderua në shkelje të ligjit. Por 6 vite më vonë rihapet ky kapitull. Në horizont shihet mundësia për ndërtimin e mbikalimit të famshëm. Sinjalin e tha vetë Kryeministri Rama, i cili edhe një herë tjetër tregoi se nuk heq dorë lehtë nga pengjet e së shkuarës.