Samanta Karavella e përjashton veten nga kampi i vajzave single, po kush është i dashuri?

Pasi ka publikuar këngën “Si ai”, Samanta Karavella ka shtuar kuriozitetin e gazetarëve se kujt ia dedikon këtë këngë. Një titull si ky të bën të mendosh menjëherë për një histori dashurie, edhe pse jo gjithmonë këngëtarët shkruajnë jetën e tyre në këngë. Samanta është pyetur nga gazetari Albi Isakaj i “InTV” për historinë e kësaj kënge, dhe nëse ka lidhje me momentin shpirtëror në të cilin ndodhet aktualisht. Këngëtarja është përgjigjur se ka vendosur të bëhet pak më “lovely” momentalisht. Këtë kthesë e ka marrë, sepse kohët e fundit ishte pozicionuar shumë nga ana e personave “single”, jo vetëm për tematikën e këngëve, por edhe për jetën private. Edhe pse është kujdesur që t’i mbajë gjithmonë private lidhjet e saj të zemrës, falë teksteve të këngëve herë- herë ngacmuese, Samanta Karavello nuk ka arritur t'u shpëtojë thashethemeve. Para klipit “Si ai”, Samanta Karavella mori famë të jashtëzakonshme me duetin “Na e dina”, në bashkëpunim me reperin nga Kosova, Gent Fatali. Përveç bashkëpunimit, ata u përfolën për një lidhje mes tyre, por që as njëri e as tjetri nuk e pranuan. Samanta dhe Gent u njohën për këtë projekt muzikor, dhe më pas shiheshin kudo bashkë. Fatali konsiderohet një nga këngëtarët e gjeneratës së re në Kosovë, brezi që po punojnë fort për të mundur më të vjetrit. Ai dhe Samanta për pak kohë u konsideruan çifti më i ri i showbizz- it shqiptar, nisur nga afrimiteti që shkëmbenin në skenat e tij, por edhe nga rrëfimet e miqve për jetën e tyre të përditshme. Përveç udhëtimeve të shpeshta në Tiranë dhe Prishtinë, ata kanë hobi të përbashkët palestrën, ndërsa menaxhohen të dy nga e njëjta kompani, “MaxProduction”.