Aurela Hoxha, seksi edhe në gjendje të dehur
Modelja e njohur, Aurela Hoxha, tashmë duket se projektet e saj i ka përqendruar më shumë në Kosovë. Kështu, pas rolit në serialin e filmit “Dashuria e Bjeshkëve të Nemuna 3”, para pak ditësh ajo publikoi një foto në Instagram, ku shfaqet sërish provokuese me bikini në realizimin e reklamës së një prej birrave të njohura në Kosovë. Në këtë foto, ku pozon me veshje seksi duke improvizuar sikur është në gjendje të dehur, ka marrë shumë komente. Aurela është mjaft aktive edhe në rrjetet sociale, ku publikon shpesh fotografi të ndryshme nga jeta e përditshme, udhëtime e shumta që bën dhe angazhimet e saj artistike. Protagonistja e re e filmit me gjysmë milion klikime në YouTube, ishte risia e kastit “Dashuria e Bjeshkëve të Nemuna 3”, një prodhim kinematografik i regjisorit Ekrem Kryeziu, që po bën bujë për shkak të skenave shumë të bukura në Rugovë. Showgirl e njohur, Hoxha, luan rolin e Larisës, një vajzë atraktive nga Shqipëria, por e rritur në një jetimore të Greqisë. Partneri i saj në film është 38- vjeçari nga Shkupi, Xhevdet Jashari, aktori i “O sa mirë” i njohur si Arifhikmeti. Në filmin në fjalë, Aurela guxoi të realizonte një skenë sensuale, ku shfaqej nudo në dush.