PDIU kërkon komision për tragjedinë çame
Merr borxh dy deputetë nga PS për të firmosur dokumentin
Partia për Drejtësi, Integrim dhe Unitet ka dorëzuar në Kuvend një kërkesë për ngritjen e një Komisioni të Posaçëm për Tragjedinë Çame. Në shkresën e saj për ngritjen e këtij komisioni, PDIU- ja kërkon që të bëhet evidentim i fakteve, rrethanave dhe përgjegjësive të shpërnguljes me dhunë dhe masakrës mbi shqiptarët e Çamërisë në vitin 1944. Sekretarja e Përgjithshme e PDIU- së, Mesila Doda, sqaroi se ngritja e këtij Komisioni ka për qëllim hartimin e një dosjeje të plotë për çështjen çame. “Bëhet fjalë për një moment të historisë sonë, i cili nuk është zbardhur kurrë tërësisht. Ne nuk jemi njohur me përmasat e asaj tragjedie dhe për mënyrën se si erdhi. Kërkesa e PDIU-së ka për qëllim zbardhjen e këtyre fakteve dhe rrethanave. Ka pasur edhe komisione të tjera, të cilat kanë qenë me karakter historik, por në Kuvendin e Sh- Mesila Doda qipërisë është hera e parë që një nismë e tillë merr jetë. Kjo nismë vjen edhe si kërkesë jo vetëm e popullsisë çame në Shqipëri, por edhe si kërkesë e të gjithë shqiptarëve. Nga ana tjetër, nuk është plotësuar kurrë nga ana e shtetit shqiptar një dosje parlamentare, në të cilën të kemi të de- pozituara përmasat e tragjedisë, por edhe faktet që kanë sjellë këtë genocid”, theksoi Doda. Nisma e PDIU- së është depozituar që në datën 20 dhjetor të 2016- s dhe është firmosur gjithashtu edhe nga deputetët e PS- së, Enkelejda Shkreli dhe Artan Gacci. Ndërkohë që tani do të pritet vendimmarrja e Parlamentit nëse do ta miratojë apo rrëzojë kërkesën e PDIU- së. Gjatë muajve të fundit të vitit 2016, që nga koha kur komisioneri Hahn deklaroi se çështja çame ekziston, PDIUja ka lobuar që shteti grek të ketë një tjetër qasje për trajtimin e saj.