Përplasi tre familjarë me makinë, ndjekje penale drejtorit të Doganës
BERAT - Drejtori i Doganës në Berat po ndiqet penalisht në gjendje të lirë, pasi dyshohet si shkaktar i një aksidenti me pasojë plagosjen e tre familjarëve. Ngjarja ndodhi në aksin nacional BeratLushnje, në dalje të Urës Vajgurore. Policia bëri të ditur se një mjet tip “Benz”, me targa AA 843 PE, që drejtohej nga drejtori i Doganës në Berat, Mirjan Prifti, është përplasur me mjetin tip “Opel”, me targë AA 299 DO, që drejtohej nga 19- vjeçarja me inicialet A. T. Kjo e fundit po udhëtonte me vjehrrin dhe vjehrrën e saj në drejtim të qytetit të Durrësit, konkretisht shtetasja me inicialet E. B., 64 vjeçe, dhe S. B., 69 vjeç. Ata po ktheheshin nga Berati ku kishin qenë për vizitë te të afërmit e tyre për në Durrës, ku edhe kishin banesën. Ndërkaq, 36vjeçari që banonte në Fier, Mirjan Prifti, ka qenë duke udhëtuar në drejtim të Beratit. Përplasja e dy mjeteve që udhëtonin në krah të kundërt me njëra- tjetrën ka qenë e fuqishme. Për pasojë, mjeti tip “Opel”, ku udhëtonin 19vjeçarja me familjarët e saj, ka dalë nga rruga dhe është për- plasur me bordurën mbrojtëse. Të tre personat kanë mbetur të plagosur dhe u dërguan në spitalin e Beratit, por për shkak se gjendja e 64vjeçares ishte e rëndë, bluzat e bardha kanë vendosur transportimin e saj me urgjencë drejt Tiranës, për një trajtim më të specializuar. Policia dhe ekspertë të qarkullimit rrugor mbërritën në vendin e ngjarjes dhe nisën hetimin. Sipas të dhënave, drejtuesi i “Benz”it ka marrë vetëm disa dëmtime të lehta. Ai është shoqëruar në komisariat për t’u marrë në pyetje dhe disa orë më pas është lënë për ndjekje në gjendje të lirë si i dyshuar se ka shkelur rregullat e qarkullimit rrugor, duke udhëtuar me mjetin e tij me shpejtësi tej normave të lejuara. Ndërkaq, mjetet e përf- shira në aksident kanë pësuar dëme të konsiderueshme. Kanë qenë kalimtarët e rastit ata që u kanë dhënë ndihmën e parë të plagosurve deri në mbërritjen e autoambulancës. d. xh.