Zgjedhjet, Rama: Nuk ka asnjë zgjidhje tjetër përveç PS
Basha: Nuk ka zgjedhje të ndershme pa votim elektronik
Vendimi i paralajmëruar nga eksponentë të lartë të PD- së për një radikalizim të qëndrimeve me Parlamentin i opozitës, do të marrë sot formë nga foltorja e Parlamentit.
Deputetët e Partisë Demokratike janë njoftuar për një mbledhje grupi në orën 13: 00 paraditen e sotme, e cila do të zhvillohet pak orë përpara nisjes së sesionit të ri parlamentar. Në këtë mbledhje, kreu i PD- së, Lulzim Basha, do të diskutojë dhe do të vendosë për qëndrimin që opozita do të mbajë në lidhje me Parlamentin dhe aksionin e saj për muajt në vazhdim. Tema kryesore e diskutimit do të jetë Reforma Zgjedhore dhe rrugët përmes së cilave opozita duhet t’i imponohet maxhorancës për realizimin e votimit dhe numërimit elektronik në zgjedhjet e ardhshme. Sekretari i Përgjithshëm i PD-së, Arben Ristani, deklaroi dy ditë më parë për “Panorama” se bojkoti i Kuvendit, por edhe protestat mbarëpopullore janë dy nga opsionet që po shqyrtohen nga opozita, por vendimmarrja për to pritet të merret në mbledhjen e kryesisë që PD- ja do të zhvillojë. Burime nga Partia Demokratike sqarojnë se prezenca e demokratëve sot në sallën e Parlamentit do të jetë e shkurtër, pasi ata do të largohen. Vendimin e marrë në mbledhjen e grupit parlamentar për qëndrimin që PD- ja do të mbajë me Parlamentin do ta bëjë publik në Parlament kreu i Grupit Parlamentar, Edi Paloka, dhe pas kësaj demokratët pritet të lënë sallën e Parlamentit. Në orën 18: 00 kreu i PD, Lulzim Basha ka thirrur mbledhjen e madhe të kryesisë në të cilën do të diskutojë mbi vazhdimsinë e aksionit opozitar.
VOTIMI Pavarësisht se përfaqësuesit e maxhorancës e hodhën poshtë votimin elektronik në Komisionin për Reformën Zgjedhore, kreu i PDsë, Lulzim Basha, e sheh përdorimin e teknologjisë si kusht të panegociueshëm për zgjedhjet e lira. Përmes një deklarate për mediat, Basha e cilësoi votimin dhe numërimin elektronik si një mundësi që zgjedhjet të mos vidhen e të kenë kosto të ulët. “Ka një mënyrë që të mos vid- hen zgjedhjet dhe të respektohet vota e qytetarëve: votimi dhe numërimi elektronik. Është i thjeshtë, i pamanipulueshëm, i provuar e plotësisht i realizueshëm dhe me kosto më të ulët se sistemi që kemi. Votimi elektronik zgjidh shumicën e problemeve që kemi pasur përherë me zgjedhjet”, deklaroi Basha. Sipas kreut të opozitës, të besosh që Kryeministri Rama mund të realizojë zgjedhje të ndershme është njësoj sikur të besosh se Elvis Rroshi është i ndershëm.