PRITSHMËRITË
Shqipëria ka demonstruar me veprime konkrete se dëshiron marrëdhënie miqësore me vendet e rajonit. Ky ishte vlerësimi që kreu i shtetit, Bujar Nishani, u ka bërë marrëdhënieve që Shqipëria ka me fqinjët në takimin e zhvilluar me trupin diplomatik. “Me veprime konkrete, Shqipëria ka demonstruar se dëshiron marrëdhënie miqësore e të bashkëpunimit me të gjitha vendet e rajonit dhe është e angazhuar për t’i përmirësuar këto marrëdhënie në maksimumin e mundshëm të tyre. Por Shqipëria kurrsesi nuk mund të neglizhojë vëmendjen konform standardeve dhe konventave ndërkombëtare ndaj të drejtave, trajtimit dhe statusit të bashkëkombësve të saj shqiptarë, në të gjitha vendet e rajonit ku ata jetojnë. Respektimi i tyre është thelbësor në avancimin e marrëdhënieve dypalëshe ndërshtetërore”, deklaroi Nishani. Gjatë Presidenti i Republikës, Bujar Nishani, u shpreh optimist për zhvillimet politike që pritet të ketë gjatë këtij viti në vendin tonë. Sipas Nishanit, ngjarja më e rëndësishme do të jenë zgjedhjet e përgjithshme, të cilat do të pasohen nga krijimi i qeverisë së re. Për kreun e shtetit, marrëdhëniet mes Shqipërisë dhe të gjitha shteteve që kanë seli diplomatike nuk do të ndryshojnë, por do vazhdojnë të forcohen. takimit, kreu i shtetit i dha një mesazh edhe përfaqësuesit të Serbisë në Tiranë, Mirolub Zariç. “Dialogu mes Kosovës dhe Serbisë, i ndërmjetësuar nga Bashkimi Euro- pian dhe mbështetur fuqimisht nga Shtetet e Bashkuara të Amerikës, ka qenë dhe mbetet një element substancial për paqen, sigurinë dhe pajtimin në rajonin e Ballkanit Perëndimor. Mbajtja në fuqi nga Serbia e masave efektive politiko- lig- jore të kohës së Millosheviçit për Kosovën nuk i shërben frymës së pajtimit dhe, po ashtu, vijimi i bllokimit të Kosovës në nivel rajonal dhe ndërkombëtar bie ndesh me angazhimet e marra. Shqipëria mbështet qartazi ecjen përpara të rajonit dhe jo kthimin prapa, në ditët e errëta kur regjimi i Millosheviçit agresonte dhe aplikonte spastrime etnike në të gjitha vendet e rajonit. Pajtimi mes shteteve kërkon kurajë dhe vizion politik, të cilin Shqipëria do ta mbështeste pa hezitim”, theksoi Nishani. Presidenti Nishani deklaroi se Shqipëria e ka mbështetur fuqimisht e pa rezerva dialogun mes Kosovës dhe Serbisë dhe për këtë shprehu bindjen se progresi në marrëdhëniet mes këtyre dy shteteve do të krijojë një klimë më të mirë bashkëpunimi e mirëkuptimi mes vendeve të rajonit. “Të gjithë jemi në pritje të rezultateve konkrete të marrëveshjeve të arritura mes këtyre dy shteteve në gjashtë vitet e fundit, shohim se ende ka tendenca apo veprime që minojnë këto negociata apo bllokojnë implementimin e marrëveshjeve, të cilat nuk u shërbejnë aspak zhvillimeve dhe progresit të mëtejshëm të marrëdhënieve mes dy shteteve, por edhe stabilitetit të të gjithë rajonit në përgjithësi”, tha Nishani. Në takimin e organizuar nga Presidenti Nishani merrnin pjesë diplomatët dhe përfaqësues të selive diplomatike në Shqipëri, por edhe ministri i Jashtëm, Ditmir Bushati.