Dokumenti, Nue Kalaj s’ka paguar tatimet
Letra e Tatimeve: U regjistrua në 2007 si “konsulent ekonomik”
Ndërmjetësuesi i marrëveshjes mes ish- qeverisë Berisha dhe kompanisë çeke CEZ, Nue Kalaj, sipas të dhënave të Drejtorisë së Tatimeve, rezulton të mos ketë deklaruar aktivitet financiar nga vitit 2007 si konsulent ekonomik. Edhe pse Kalaj ka pranuar se ka kryer shërbimin e konsulencës dhe është paguar në vlerën e 7 milionë eurove, Drejtoria e Tatim Taksave në një verifikim të regjistrave bën të ditur se personi në fjalë nuk ka paguar asnjë taksë ndaj shtetit. Drejtoria e Përgjithshme e Tatim Taksave dhe Drejtoria e Mbledhjes me forcë i kanë dërguar një shkresë Komisionit Hetimor Parlamentar, ku e informojnë për aktivitetin e dëshmitarit Nue Kalaj. Në letrën e Tatimeve thuhet se subjekti ka deklaruar si punonjës vetëm veten e tij MILIONE EURO ka përfituar, sipas deputetëve të maxhorancës, shtetasi Nuel Kalaj, i cilësuar prej tyre si “sekseri i martesës” qeveri- CEZ dhe ka derdhur sigurimet shoqërore e shëndetësore, ndërkohë që aktivitetin e tij e ka deklaruar si zero. “Nga verifikimi i të dhënave në sistemin tatimor SIT dhe C@ TS, DDRT Tiranë rezulton i regjistruar nga data 17/ 12/ 2007, personi Nue Nik Kalaj, person fizik, me NIPT K72417012D, me aktivitet ‘ Konsulent Ekonomik’. Subjekti ka deklaruar për periudhat 08/ 2007 deri në 08/ 2010. Në muajin shtator 2010 ka ndërprerë deklarimet dhe në dhjetor të vitit 2014 ka kaluar në regjistrin e subjekteve me status pasiv. Referuar nga të dhënat, rezulton se subjekti ka vetëdeklaruar si më poshtë: - Sigurimet sho- qërore dhe shëndetësore ( regjistruar më datë 17/ 12/ 2007, për periudhën 2007/ 12 deri në 2009/ 12 një person, me vlerë 118,462 lekë, të cilat i ka likuiduar. - Tap ( regjistruar 17/ 12/ 2007), deklarim me zero. - Tapbv ( regjistruar 01/ 1/ 2013) nuk është dorëzuar formulari, ka ndërprerë deklarimin. Sipas të dhënave të sistemit tatimor C@ TS dhe verifikimit të opsionit ‘ Historiku i punonjësve’ rezulton personi Nue Kalaj, me numër identifikimi 003217255, i punësuar deri në tetor 2015, në subjektin HAM Group shpk, me NIPT K415120191, që administrohet nga DRT Kukës”, thuhet në letrën e Tatim Taksave. Ndërkohë që për emrin tjetër që përdor, sipas deputetëve të shumicës, atë të Nuel Kalajt në Drejtorinë e Tatim Taksave nuk rezulton i punësuar asnjë person. “Në lidhje me personin Nuel Kalaj, pas verifikimit të të dhënave në sistemin tatimor të DRT Tiranë, nuk rezulton i regjistruar ose i punësuar ky person me këtë emër”, thuhet në letrën e dorëzuar në Komisionin Hetimor nga Drejtoria e Tatim Taksave.