“Trump do forcojë marrëdhëniet Shqipëri- SHBA”
Kreu i Ligjeve në Kongres me Metën: Mbështesim reformat
Kryeparlamentari Ilir Meta gjatë vizitës së tij në Uashington, ka marrë mbështetjen e Kryetarit të Komisionit të Ligjeve dhe Procedurave në Kongresin Amerikan, Pete Sessions, se Presidenti Trump do të bashkëpunojë për të forcuar marrëdhëniet me Shqipërinë. Gjatë takimit, Kongresmeni Sessions vlerësoi rëndësinë e miratimit konsensual të Reformës në Drejtësi. Sessions konfirmoi gjatë takimit me Metën se edhe administrata e re amerikane do të vazhdojë të mbështesë Shqipërinë në implementimin përfundimtar të saj. “Kjo reformë i shërben jo vetëm ndërtimit të institucioneve të besueshme të drejtësisë, por edhe forcimit të sigurisë dhe stabilitetit afatgjatë të Shqipërisë. SHBA- të do të vazhdojnë të ndjekin nga afër dhe do të mbështesin angazhimin e Shqipërisë në luftën kundër krimit të organizuar, korrupsionit dhe do të jenë në krah të saj, si anëtarë të NATO- s, në sfidat e tjera bashkëkohore. Një Amerikë më e fortë kërkon një Shqipëri të fortë. Unë besoj se Donald Trump do të bashkëpunojë ngushtë për t’i forcuar edhe më tej mar- rëdhëniet mes SHBA- ve dhe Shqipërisë. Jam i bindur se viti 2017 do të jetë i suksesshëm”, ka thënë Kongresmeni Sessions. Nga ana e tij, Ilir Meta e falënderoi Kryetarin e Komisionit të Ligjeve dhe Procedurave për mbësh- tetjen deritanishme të SHBAve dhe siguroi se Shqipëria është e vendosur të përmbushë në një kohë të shpejtë implementimin e plotë të Reformës në Drejtësi përmes zbatimit të ligjit të vetingut dhe krijimit të institucioneve të reja. Meta e siguroi Sessions për qëndrimin e palëkundur të Shqipërisë në përballjen e sfidave të përbashkëta dhe përmbushjen e detyrimeve të saj në partneritetin strategjik që ajo ka me SHBA- të.