Gjiknuri: Kemi potenciale në energjetikë

Potencialet që ka Shqipëria për investime në fushën e energjisë, dhe konkretisht në hidroenergji, energji elektrike, naftë, gaz e në sektorin minerar, janë paraqitur nga ministri i Energjisë dhe Industrisë, Damian Gjiknuri, në Forumin e Tregtisë dhe Investimeve SingaporShqipëri. Në një prononcim për Televizionin Shqiptar, Gjiknuri u shpreh se gjatë këtij forumi, disa kompani shprehën interesin e tyre për mundësitë që ofron Shqipëria për investim. Ministri i Energjisë dhe Industrisë theksoi se gjatë këtij viti do të vijojnë projektet e rëndësishme në sektorin e energjisë, si investimet në sektorin e shpërndarjes së energjisë, fillimi i punës për linjën e interkoneksionit me Maqedoninë, të cilat mundësohen nga konsolidimi i reformës në sektorin hidroenergjitik.