FSHF zyrtarizon Veronezen, ja klauzola në kontratë

FSHF- ja ka zyrtarizuar dje marrëveshjen me 40- vjeçarin Marko Veroneze. Nëpërmjet një njoftimi në rrjetet sociale, zyra për shtyp e FSHF- së ka konfirmuar atë që kishte qarkulluar prej ditësh në media. Edhe pse De Biazit i përfundon kontrata në fund të eliminatoreve, për Veronezen është caktuar mundësia e rishikimit të kësaj marrëveshjeje. "FSHF- ja ka zyrtarizuar mesditën e sotme ( dje) kontratën me trajnerin Marko Veroneze, si propozim i trajnerit De Biazi, në detyrën e asistentit dhe ndihmësit të teknikut të përfaqësueses. Kontrata e Marko Veronezes është pranuar nga presidenti Duka dhe bashkëpunimi me FSHF- në do të jetë deri në fund të eliminatoreve të Botërorit me opsion që më pas palët ta rishikojnë sërish", njoftoi FSHF- ja.