Hahn: Keqardhje për bojkotin e opozitës
“Jeta parlamentare të vijojë me institucionet e vetingut”
Komisioneri europian për Zgjerimin, Johannes Hahn, shprehu dje keqardhje për bojkotimin e Parlamentit nga opozita. Përmes një statusi në “Twitter”, Hahn shprehet se bashkëpunimi mes qeverisë dhe opozitës është shumë i rëndësishëm për integrimin e vendit.
“Më vjen keq për bojkotin parlamentar të shpallur nga opozita. Debati politik nuk duhet të bëhet jashtë, por brenda Parlamentit. Bashkëpunimi me qeverisë dhe opozitës është vendimtar për synimet e vendit për t’u anëtarësuar në Bashkimin Europian”, shkruan Johannes Hahn. Sipas tij, jeta parlamentare duhet të vijojë me ngritjen e institucioneve të reja të vetingut. “Është veçanërisht e një rëndësie të madhe që jeta parlamentare të vijojë në një kohë kur reforma thelbësore janë në axhendën e Parlamentit, siç është ngritja e institucioneve të vetingut në kuadër të Reformës në Drejtësi, përfshirë edhe rekomandimet e misionit të OSBE/ ODIHR, të cilat janë thelbësore për të garantuar zgjedhje të lira dhe të ndershme këtë vit. Këto reforma janë të rëndësishme për Shqipërinë që të vijojë rrugën e saj të integrimit në BE”, ka thënë Hahn. Një ditë më parë, zëdhënësja e Komisionit Europian, Maja Koçi- jançiç, kërkoi nga opozita që debatin politik ta zhvillojë në Parlament. “Për ne, debati politik duhet të zhvillohet brenda Parlamentit dhe jo jashtë tij. Polarizimi i mëtejshëm i arenës politike do të ishte vetëm kundërproduktive për ambicien e Shqipërisë për t’iu bashkuar Unionit Europian, madje edhe për avancimin në rrugën e saj europiane. Për këtë arsye, është e rëndësishme të tregohet vazhdimësia e Parlamentit në një moment kyç, kur diskutohen e miratohen ndryshimet, në veçanti ato që lidhen me Reformën e Drejtësisë. Këto ndryshime kanë rëndësi thel- bësore për të siguruar progresin e mëtejshëm të Shqipërisë në rrugën drejt BEsë dhe siç e mbani mend, Komisioni rekomandoi në nëntor nisjen e bisedimeve të anëtarësimit, subjekt i zbatimit të prekshëm e të besueshëm në reforma specifike dhe pikërisht Reforma e Drejtësisë është ajo që kam ndërmend”, tha Koçijançiç.