E- MAILI I DREJTORIT TE BURGJEVE
Të burgosurit në Shqipëri kanë shqetësuar me telefonata zyrtarët e lartë gjatë muajve të fundit.
Dhjetëra persona të privuar nga liria, të cilët vuajnë dënime me burg apo paraburgim, në burgje të ndryshme të vendit, duket se kanë abuzuar me të drejtën e tyre për të kryer telefonata. Përmes telefonave fiks me kartë, të pranishëm në çdo institucion, duke shfrytëzuar neglizhencën e punonjësve të sigurisë, ata i kanë telefonuar thuajse çdo ditë ishministrit të Drejtësisë, Ylli Manjani, drejtorit të Përgjithshëm të Burgjeve, Miklovan Kopani, si dhe zyrtarëve të tjerë të lartë në vend, për t’u shfaqur shqetësime apo ankesa. Në “listën” e telefonatave të të dënuarve kanë qenë edhe zyrtarë të lartë të institucioneve të tjera, në rangje drejtor drejtorie. Shpeshtësia e këtyre telefonatave duket se është bërë shqetësuese për ta. Drejtoria e Përgjithshme e Burgjeve konfirmoi dje zyrtarisht se për këtë shkak, më 27 janar 2016, nga ana e drejtorit të Përgjithshëm Kopani është dhënë një urdhër verbal për mbikëqyrje të rreptë të telefonatave të personave të privuar nga liria. Sipas burimeve nga burgjet, urdhri kërkon rritjen e përgjegjshmërisë së autoriteteve të burgjeve në zbatimin e rreg- “Me urdhër verbal të Drejtorit të Përgjithshëm të Burgjeve, z. Miklovan Kopani, çdo bisedë telefonike e bërë nga ana e të dënuarve do të mbikëqyret me rreptësi nga ana e një punonjësi policie, si dhe do t’i kontrollohet paraprakisht numri të cilin do të marrë i dënuari, pasi të dënuarit po shqetësojnë përditë me telefonata si ministrin e Drejtësisë, po kështu edhe Drejtorin e Përgjithshëm. Në rast të moszbatimit të këtij urdhri nga ana juaj, do të mbahet përgjegjësi administrative”. ullores së brendshme, për regjistrimin paraprak të numrit që do të kontaktojnë të dënuarit. Shqetësimi për bezdisje nga telefonatat nga burgu është ngritur nga ana e ish- ministrit Ylli Manjani, më 26 janar 2017, gjatë analizës vjetore të vitit 2016 të Drejtorisë së Përgjithshme të Burgjeve. Gjatë fjalës së tij, ish- ministri ka thënë se telefonohej shpesh nga të dënuar, në orare të ndryshme të ditës. Të nesërmen e kësaj dite, në të gjitha institucionet e ekzekutimit të vendimeve penele është përcjellë urdhri për kontrollin e telefonatave të të burgosurve.
URDHRI Drejtoria e Përgjithshme e Burgjeve tha dje se urdhri i shpërndarë nga ana e kreut të këtij dikasteri drejt burgjeve në vend mbi kontrollin e telefonatave të të dënuarve është i bazuar në ligj dhe në rregulloren e brendshme të burgjeve. Përmes një njoftimi zyrtar, DPB sqaroi se ekziston një procedurë standarde e regjistrimit të numrave që telefonohen nga të dënuarit, e cila është neglizhuar nga punonjësit e burgjeve. “Ky urdhër verbal i drejtorit të Përgjithshëm, transmetuar me fonogram për të gjitha IEVPtë, është tërësisht ligjor dhe konform rregullores, për arsye se në shumë raste është shkelur procedura standarde e regjistrimit të numrave të telefonit, që do të telefonojnë personat që vuajnë dënimin. Kjo neglizhencë dhe shkelje procedurale nga ana e disa prej punonjësve të policisë së burgjeve ka sjellë për pasojë që në shumë raste persona të dënuar kanë telefonuar zyrtarë të lartë publikë, duke u sjellë shqetësime”, thuhej në njoftimin e DPB- së. Sipas Drejtorisë së Burgjeve, në listën e zyrtarëve të lartë të telefonuar nga kartofonat e instaluar në burgjet e vendit ka pasur telefonata të shumta në drejtim të drejtorit të Përgjithshëm të Burgjeve, ministrit të Drejtësisë dhe ndaj një numri tjetër zyrtarësh të lartë. “Për këto arsye, Drejtoria e Përgjithshme e Burgjeve, më datë 27 janar 2017, nëpërmjet këtij urdhri të shpërndarë, u ka rikujtuar punonjësve të Policisë së Burgjeve të kryejnë detyrën me seriozitet për të mos pasur në të ardhmen telefonata të tilla karshi zyrtarëve publikë. Drejtoria e Përgjithshme e Burgjeve me përgjegjësi ju bën me dije se çdo urdhër verbal apo me shkrim është tërësisht sipas akteve që normojnë sigurinë e sistemit dhe ky urdhër nuk shkel në asnjë rast të drejtat e të dënuarve”, vijonte sqarimi i DPB- së.