Prezantohet fanella e re e Kombëtareve, mungojnë trajnerët
Inaugurimi i tyre, në përballjen kundër Italisë për eliminatoret e “Rusi 2018”
Pjesëmarrja e Shqipërisë në Europian i afroi federatës një sponsor teknik, me të cilin u dizenjua edhe një fanellë e personalizuar për në "Euro 2016".
Mirëpo, dizajni i emërtuar "Triumf" është vendosur prej kohësh që do të jetë në qarkullim vetëm për një periudhë të përcaktuar. Nga dje, sponsori i Kombëtares dhe FSHF kanë prezantuar uniformat e reja të kuqezinjve. Dizajni i fanellës së re ka ruajtur elemente të simboleve kombëtare. Pjesa e përparme e bluzave ka një kompozim me motive kombëtare, ku rombet e formuara u ngjasojnë puplave të shqiponjës. Në ndryshim nga fanella e emërtuar "Triumf", ajo që u përdor në Europian, vizatimi i shqiponjës përpara është ndryshuar, ndërkohë që ngjyrat janë po ato, me një tonalitet disi më të theksuar. Të ftuar në aktivitet, përveç anëtarëve të Komitetit Ekzekutiv të FSHF- së dhe figurave të shquara të sportit, ishin edhe dy presidentët e skuadrave të Kategorisë Superiore, Tiranës dhe Kukësit, skuadra të cilat gjithashtu kanë kontratë bashkëpunimi me firmën e veshjeve "Makron".
- Ndonëse bëhej fjalë për një fanellë që do të jetë për skuadrat kombëtare, në prezantimin e uniformave të reja mungonin trajnerët e skuadrave kombëtare nisur nga ekipi A e duke vijuar edhe me ata të skuadrave zinxhirë. Gjithashtu, federata kishte preferuar ta prezantonte fanellën e re me modelë ( meshkuj dhe femra). Përfaqësues i vetëm i ekipit kombëtar ishte portieri Alban Hoxha. Përgjithësisht, federatat e ndryshme nëpër botë apo edhe vetë kompanitë që i sponsorizojnë përzgjedhin yjet e ekipeve për të bërë prezantimin e një produkti të ri, qoftë edhe për vetë simpatinë që gjithsecili prej tyre ka në publik, ndërkohë që FSHF duket se nuk ka përzgjedhur datën e duhur në të cilën do të ishte e mundur që kjo fanellë të prezantohej nga lojtarët e Kombëtares. Këta të fundit do të kenë mundësinë që ta veshin për herë të parë këtë uniformë në ndeshjen kundër Italisë, më 24 mars.
Çudia