Komisione me qytetarë, KQZ nis përgatitjen e zgjedhjeve pa opozitën
“Procedurat e përzgjedhjes dhe të emërimit të anëtarëve do të kryhen në transparencë”
Komisioni Qendror i Zgjedhjeve ka nisur dje procedurat për të zhvilluar zgjedhjet e 18 qershorit pa praninë e partive opozitare. KQZ- ja ka njoftuar se dy partitë kryesore të opozitës, Partia Demokratike dhe Partia Republikane, nuk kanë përmbushur detyrimin ligjor për të depozituar listat e anëtarëve dhe sekretarëve të komisioneve zonale të zgjedhjeve dhe për këtë arsye ata do të zëvendësohen me qytetarë të thjeshtë.
Zëdhënësja e KQZ- së, Drilona Hoxhaj, në një dalje për mediat sqaroi se PD dhe PR nuk kanë plotësuar detyrimin ligjor përtej afatit që vendosi KQZ- ja. “Shkaku që afati ligjor për ngritjen e komisioneve të zonave të administrimit zgjedhor nuk u arrit të respektohej nga KQZ-ja është mospërmbushja e detyrimit ligjor nga Partia Demokratike për paraqitjen e propozimeve për anëtarë të dhe sekretarë të KZAZ- ve, dhe nga Partia Republikane për paraqitjen e propozimeve për anëtarë të KZAZ- ve. Ky detyrim, i parashikuar nga neni 28, pika 2, i Kodit Zgjedhor, nuk u përmbush nga këto dy subjekte zgjedhore, madje as në tejkalim të afatit ligjor, megjithëse KQZ- ja e toleroi këtë”, tha dje zëdhënësja e KQZ- së. Sipas institucionit më të lartë zgjedhor, vendet e demokratëve dhe republikanëve do të plotësohen me qytetarë, të cilët kanë shprehur interes të jenë pjesë e administrimit të procesit zgjedhor. “Nga ana tjetër, Komisioni Qendror i Zgjedhjeve, pas përmbylljes së afatit për shprehjen e interesit nga shtetas që kanë interes për t’u emëruar si anëtarë apo sekre- tarë të KZAZ- ve, falënderon të gjithë qytetarët që iu përgjigjën ftesës publike për të kontribuar në administrimin e procesit zgjedhor dhe kanë paraqitur kërkesë dhe dokumentacionin përkatës pranë KQZ-së, apo zyrave rajonale zgjedhore”, theksoi Hoxhaj. Më tej, zëdhënësja e KQZ- së bëri të ditur se përzgjedhja e anëtarëve që do të zënë vendin e partive të opozitës do të bëhet në mënyrë transparente në mbledhjet e ardhshme të KQZ- së. “Në respekt të in- formimit të opinionit publik, procedurat e përzgjedhjes dhe të emërimit kryesisht nga KQZ- ja të shtetasve si anëtarë apo sekretarë të KZAZ- ve do të kryhen në transparencë të plotë, sikundër e gjithë veprimtaria dhe puna e KQZ- së për organizimin dhe administrimin e procesit zgjedhor të datës 18 qershor 2017” tha dje zëdhënësja e KQZ-së.
AFATET Sipas planit të veprimit të miratuar nga KQZ- ja, emërimi i anëtarëve të KZAZ- ve duhej të ishte realizuar jo më vonë se data 10 mars. Ndonëse më 15 mars duhej të ishte zhvilluar mbledhja e parë e konstituimit, partitë politike kanë afat deri më 10 prill për t’u regjistruar në KQZ për të qenë pjesë e zgjedhjeve të 18 qershorit, ndërkohë që jo më vonë se data 19 prill duhet të miratohen koalicionet garuese në zgjedhje. Jo më vonë se data 5 maj duhet të depozi- tohet në KQZ lista shumemërorë e kandidatëve për deputetë, ndërsa më 8 maj KQZ do të duhet të miratojë vendet ku do të numërohen votat në çdo KZAZ.