ARRESTIMI I KORRIERIT ZBULOI GRUPIN

Tetë persona të akuzuar si anëtarë të një grupi që trafikonte kokainë, u arrestuan dje në Shqipëri dhe në Itali në të njëjtën kohë.

Grupi akuzohet se trafikonte drogë nga Holanda, Belgjika e Luksemburgu, në Italinë Veriore dhe në Gjermani. Policia shqiptare dhe italiane kanë arrestuar të dyshuarit në Vlorë dhe në Firence, pas një hetimi disavjeçar. Organizata kriminale, e përqendruar kryesisht në Firence e Prato, u godit dje në orët e para të mëngjesit, pas hetimeve të nisura që prej vitit 2015. Drejtori i Drejtorisë Kundër Krimit të Organizuar, Idajet Faskaj, i shoqëruar edhe nga përfaqësues të Policisë italiane, bëri të ditura dje detajet e operacionit gjatë një konference për shtyp. Faskaj tha se operacioni u shtri në Shqipëri, Itali e Gjermani, duke u finalizuar me arrestimin e 8 personave, 3 nga të cilët në Vlorë dhe 5 në Itali. Nga të arrestuarit, 6 janë shtetas shqiptarë, 1 maroken dhe 1 italian. Burime nga Policia thanë dje se grupi i shqiptarëve ishte në hetim, pasi dyshoheshin se kishin trafikuar dhe mbanin të ruajtur në vende të ndryshme sasi të mëdha kokainë dhe marijuane. Fillimisht ishte arrestuar njëri prej anëtarëve të organizatës, i cili u kap me rreth 1 kg kokainë. Prej këtij momenti nisën hetimet që zbuluan Korrieri me nofkën "Il Moro", nga i cili mori edhe emrin operacioni i djeshëm, ishte personi që pas arrestimit të tij, inicioi hetimet në Itali dhe zbuloi grupin. Ai u arrestua në Gjermani, në kufirin pranë Holandës, dhe u ekstradua në nëntor të vitit 2016, në Itali. Ai përfitoi lirim të parakohshëm pas dy muajsh që qëndroi në qeli dhe u dëbua nga Italia, pa të drejtë për të shkelur atje për 10 vite. gjithë të grupin.

HETIMET

Hetimet e mëvonshme, të kryera me metodat speciale, mbikëqyrje, shërbime, vëzhgime etj., zbuluan se ky grup kriminal, i përbërë nga 11 persona, merrej me trafikimin e drogës nga ven- det e Europës Veriore. Burimet thanë se kreu i grupit është 32- vjeçari nga Vlora, Besmir Shehaj. Pas arrestimit të njërit prej anëtarëve të organizatës së tij, Shehaj ishte zhvendosur nga Firence, nga frika se mos zbulohej dhe kishte shkuar në qytetin Erfstadt të Gjermanisë, duke e zhvendosur edhe bazën e aktivitetit atje. Policia italiane kishte zbuluar si kjo organizatë kishte një karakteristikë të veçantë, pasi mes tyre kishte lidhje gjaku. Nga të dhënat rezultoi se 7 nga 9 shqiptarët që ishin pjesë e grupit, janë kushërinj të parë me njëri- tjetrin dhe dy janë vëllezër. Trafikantët vepronin gjithmonë me shumë kujdes, duke transportuar sasi të vogla kokaine, të cilat i fshihnin në makina që i transportonin për shitje në tregje jashtë BE- së, ose me anë të dërgesave postare. Korrierët që ata përdornin për kryerjen e dërgesave, zakonisht ishin persona të jashtëm, që nuk kishin lidhje me grupin.

ARRESTIMET

Mëngjesin e djeshëm, gjatë operacionit të koordinuar mes Policisë italiane dhe asaj shqiptare, u kryen 8 arrestime. Në Vlorë u arrestuan Besmir Shehaj, 32 vjeç, Bruno Haxhiraj, 41 vjeç, dhe Vladimir Skëndo, 56 vjeç. Ndërsa në Itali u arrestuan vëllezërit Arbër e Alkens Çarçani, 31 e 33 vjeç, Ed- www. alpaksolutions. com mond Ferzaj, 35 vjeç, si dhe shtetasi maroken M. S., 30 vjeç, dhe shtetasi italian R. A., 37 vjeç. Gjatë hetimeve janë identifikuar edhe disa persona që pasi kanë blerë kokainë nga grupi i shqiptarëve, e kanë rishitur në krahinat e Firences dhe Pratos. Ky është rasti i shtetasit maroken që jeton në Prato, me leje të vlefshme qëndrimi, i cili u arrestua dje gjatë operacionit. Burimet thanë se ai kishte blerë rregullisht kokainë nga anëtarët e organizatës, të cilën e shiste te persona të tjerë. Policia tha dje se pas arrestimit të tre shqiptarëve në Vlorë, tashmë kanë nisur procedurat e ekstradimit për në Itali, ku do të nisë gjykimi i tyre.

SASITE E DROGES

Gjatë hetimeve për këtë grup, që prej vitit 2015, Policia italiane kishte arritur të zbulonte disa ngarkesa, duke arrestuar në flagrancë korrierët. Një rast transporti u godit më 24 mars të vitit 2016, kur korrieri u kap me 100 gramë kokainë. Rasti i dytë më 30 mars 2016, një korrier italian u arrestua pasi u kap me 1.5 kg kokainë. Më 1 shtator 2016, në Prato, një korrier 40- vjeçar nga Shqipëria u arrestua pasi u kap me një sasi prej rreth 19 kg marijuanë, që e kishte fshehur në kabinën e kamionit të tij. www. kaeser. com