Ambasadori: Asnjë shqiptar mes të plagosurve

Disa orë pas sulmit, ambasadori shqiptar në Londër, Qirjako Qirko, ka raportuar për mediat se deri në atë moment asnjë shqiptar nuk mendohet të jetë në mesin e të plagosurve. "Nuk kemi informacione për shqiptarë të plagosur. Sapo të kemi të reja të fundit nga kjo ngjarje e rëndë, do të informojmë me shtetësinë e personave të plagosur". Sipas Qirkos, personat e plagosur janë kryesisht turistë, shtetësia e të cilëve nuk dihet ende. Të njëjtën gjë konfirmon edhe Ministria e Punëve të Jashtme të Shqipërisë, e cila nëpërmjet një njoftimi për shtyp, thotë se nuk ka shtetas shqiptarë në mesin e viktimave dhe të plagosurve. Po ashtu, MPJ dënon sulmin dhe shpreh mbështetjen në luftën kundër terrorizmit.