Shpërthim te një ish- repart ushtarak, plagosen 2 fëmijë
Fëmijët po luanin te një shtëpi e braktisur, goditën një objekt
Të plagosurit janë shtetasit E. K., 14 vjeç dhe A. K., 16 vjeç, banues në lagjen Katund i Ri të Yrshekut. Burime nga Policia e kryeqytetit thanë se fëmijët ndodheshin në një banesë të braktisur pranë ish- repartit ushtarak dhe kanë goditur me sende të forta një objekt ende të papërcaktuar. Në këtë moment ka ndodhur një shpërthim i fuqishëm, nga i cili dy të miturit kanë mbetur të plagosur. Shpërthimi është dëgjuar nga banorët e fshatit, të cilët kanë nxituar t'u vijnë në ndihmë fëmijëve, më pas kanë lajmëruar edhe Policinë. Në vendngjarje kanë mbërri- tur shërbimet e Komisariatit nr. 6, që kanë rrethuar vendin ku ndodhi shpërthimi dhe menjëherë kanë nisur hetimet. Fëmijët janë dërguar në spital, ku mësohet se ndodhen jashtë rrezikut për jetën. Paraprakisht dyshohet se mund të ketë shpërthyer ndonjë predhë e vjetër, që është zhvendosur nga ish- reparti ush- tarak. Megjithatë, ende nuk është përcaktuar saktësisht objekti dhe shkaku i plasjes. "Rreth orës 18: 00 të ditës së enjte, në Yrshek, në një banesë të braktisur, pranë ish- repartit ushtarak, duke luajtur kanë goditur një objekt të papërcaktuar me sende të forta, i cili ka shpërthyer dhe për pasojë janë dëmtuar shtetasit E. K. dhe A. K., 14 e 16 vjeç, banues në Katund të Ri, të cilët ndodhen në spital jashtë rrezikut për jetën. Po punohet për përcaktimin e objektit dhe shkakun e shpërthimit të tij. Materialet do t'i kalojnë Prokurorisë së Rrethit Gjyqësor Tiranë, për ngjarje aksidentale", tha dje Policia e Tiranës.