DRONI

Partia Demokratike përgjatë qëndrimit në rrugë ngriti një dron përmes të cilit filmoi ecurinë e protestës. Përfaqësuesit e opozitës paralajmëruan se do t’i filmonin nga toka dhe ajri të gjithë ata efektivë policie, të cilët do të tentonin të prishnin protestën apo do të provokonin qytetarët. Pamjet e filmuara përmes dronit, demokratët i transmetuan në kohë reale edhe në rrjetet sociale për të treguar se akti i tyre i mosbindjes civile ishte paqësor dhe një mesazh drejtuar Kryeministrit Rama për të pranuar kushtet e opozitës.