Basha, 45 minuta takim me ambasadorin Lu
Ambasadori i SHBA- ve në Tiranë, Donald Lu, u takua me kreun e opozitës, Lulzim Basha, menjëherë pasi ky i fundit përfundoi protestën 1- orëshe të bllokimit të rrugëve. Në fokus të këtij takimi mësohet të ketë qenë takimi i sotëm që drejtuesit e koalicionit qeverisës dhe kreu i PD- së do të zhvillojnë me dy përfaqësuesit e lartë europianë. Sipas burimeve, ambasadori amerikan ka punuar lidhur me pikat, të cilat do të përfshihen në një marrëveshje të mundshme maxhorancëopozitë për zgjidhjen e krizës politike në vend. Basha paralajmëroi tri ditë më parë se me qëndrimet e mbajtura nga kryeministri, negociatat që do të zhvillohen me zv. presidentin e PPE- së do të jenë të dështuara. “Me qëndrimet e tij Edi Rama ka paralajmëruar qartësisht dështimin e negociatave që presim të martën. Ai po e thotë qartë, të zezë mbi të bardhë, se për karrigen time, për pushtetin tim nuk i hap rrugë zgjidhjes që kërkojnë qytetarët dhe opozita. Edi Rama ka paralajmëruar këto 48 orë dështimin e negociatave akoma pa mbërritur ndërmjetësit europianë”, tha Basha.
Zv. presidenti i PPE- së, David McAllister, dhe eurodeputeti Knut Fleckenstein do të mbërrijnë sot në Tiranë me misionin e zgjidhjes së ngërçit politik përmes një marrëveshjeje të dakordësuar mes palëve.
Ardhja e dy përfaqësuesve të lartë europianë shihet si shansi i fundit për t’i bërë palët të reflektojnë në kërkesat e njëra- tjetrës dhe të gjejnë një zgjidhje për zhvillimin e zgjedhjeve normale parlamentare. Pasi kanë kontaktuar në mënyrë intensive mes palëve, zv. presidenti i PPE- së dhe eurodeputeti Fleckenstein do të vijnë sot në Tiranë për t’u bërë një ofertë konkrete për zgjidhjen e krizës aktorëve kryesorë politikë në vend. Burime të “Panorama” sqarojnë se e sigurt është që nuk do të ketë një tryezë të përbashkët RamaMeta- Basha, për aq kohë sa këta të fundit nuk do të kenë rënë fillimisht dakord për nënshkrimin e një marrëveshjeje