INCIDENTI NË LUSHNJË
Protesta e zhvilluar nga opozita në rrethrrotullimin e Plugut në Lushnjë ishte e vetmja që regjistroi një incident mes protestuesve dhe përfaqësuesve të Policisë së Shtetit. Në kohën kur protestuesit u vendosën në rrugë në rrethrrotullimin e Plugut, një efektiv policie ka kërkuar të shpërndajë turmën. Veprimi i efektivit të Policisë është marrë si provokim nga demokratët të cilët kanë kërkuar largimin e tij, duke tentuar edhe ta largojnë me forcë. Por me ndërhyrjen e deputetëve të PD- së dhe organizatorëve të protestës, situata është normalizuar brenda pak minutash për të vijuar në mënyrë të qetë deri në orën 12: 00. Policia e Shtetit deklaroi se e ka dokumentuar rastin në fjalë dhe do të nisë procedimet për protestuesit dhe organizatorët e protestës.