Berisha tregon negociatat: Zyrtari i SHBA përdori teknikë të avancuar
Ish- kryeministri konfirmon se do jetë sërish deputet e zbardh mesazhet me Ramën: Ankoheshe me mua, e shikon tani
Ish- kryeministri Sali Berisha deklaron se nënsekretari amerikan i Shtetit Yee përdori në Shqipëri për arritjen e marrëveshjes një teknikë të avancuar teknologjike. Në një intervistë për emisionin “Studio e Hapur” të gazetares Eni Vasili në “News 24”, Berisha ka evidentuar edhe meritat, që sipas tij Rama kishte në arritjen e marrëveshjes politike.
Ish- kryeministri shprehu dëshirën për të qenë edhe në Parlamentin e ardhshëm, që do të dalë nga zgjedhjet e 25 qershorit, por mohoi se do të udhëheqë lista të PD- së në ndonjë nga qarqet e vendit.
Votuat ministra të kabinetit Rama në seancën e djeshme. E kishit menduar?
Jo, të them të drejtën nuk e kisha menduar. Por unë u ndjeva i kënaqur se ishte kurorëzim i marrëveshjes. Erdhi pas një proteste të pashembullt dhe paqësore, në të gjithë aspektin e saj ia doli të imponojë një marrëveshje. Një marrëveshje shumë të mirë, pavarësisht nga komentet. Pse them shumë e mirë? Sepse në kohë paqeje nuk ka kurrë marrëveshje të shumës zero. Ato janë marrëveshje të luftërave dhe të luftërave barbare, ku njëra palë merr gjithçka dhe pala tjetër asgjë.
Nuk ishte pak paradoksale situata kur ju për 4 vite e keni anatemuar si qeverinë e narkotrafikut dhe tani e votoni?
Po, por mos harro se duke vlerësuar marrëveshjen unë mund të them se ai dje më ngjiste me kapitenin që kishte mbytur gjeminë, kishte marrë një varkë shpëtimi, e mbyti dhe qeverinë dhe doli vetë në breg, gjë që s’e bënte dot kurrë Sali Berisha. Po varka e shpëtimit ishit ju? Ai në fund e dorëzoi pushtetin copa- copa. Rilindja ngjiste më shumë se çdo gjë tjetër me peshkun e “Plaku dhe Deti” të Heminguejit. I njihni ndonjë meritë Ramës? Arritja e marrëveshjes ishte një meritë personale e Ramës. Shpëtoi atë që mundi. Nuk hyri në histori si njeriu që do bënte zgjedhje moniste, çka do ishte për të damkosja më e madhe që mund t’i bënte vetes personalisht. Në mënyrë të papritur ai mori kthesën, dhe këtu ka një arritje personale. Ai shpëtoi nga humnera drejt së cilës po ecte me shpejtësi. Në rast se politikisht fitoi udhëheqësi i revolucionit demokratik, i çadrës së lirisë, personalisht fitoi Rama, i cili momentin më të fundit vendosi të marrë një kthesë. E mori se i treguan karton të kuq. E mori sepse e kuptoi se një kryeministër nuk mund të shkojë drejt zgjedhjeve moniste.
Edhe ju thatë nuk hyjmë në zgjedhje me Ramën. A ka pasur imponim ndërkombëtar ndaj jush?
Ka pasur lëshime nga të dy palët. Të gjithë njerëzit duhet ta kenë të qartë se në kushte paqeje nuk mund të ketë një marrëveshje ku një palë i merr të gjitha e një palë i humbet të gjitha. Është e vërtetë që Rama mbeti kryeministër, që zgjedhjet nuk u shtynë më tej, por është e vërtetë që paketa McAllister u dyfishua. Unë ua quaj meritë që e pranuan datën e zgjedhjeve në qershor. Nuk isha dakord për korrikun, pasi njerëzit janë të shpërndarë.
Me shtyrjen e zgjedhjeve, me ministrat teknikë, dhe ndryshimet në kod, a garantohen zgjedhjet e lira?
A garantohen apo jo, kjo mbetet për t’u parë gjatë fushatës, pasi nuk më takon të bëj paragjykim. Kjo marrëveshje solli imponimin e ligjit dhe të Kodit Elektoral, që administrata publike e lirë të votojë për kë të dojë, të mos shndërrohet në trupë elektorale të një partie. Paratë e kanabisit si do t’i luftoni? Kur ne denonconim dogën, kërkonim një kthesë thelbësore në këtë drejtim. E nuk vumë kusht që derisa të mos zhduken trafikantët të mos ketë zgjedhje, ne kërkonim që Ministria e Brendshme për këtë periudhë t’i shpallte luftë të gjithanshme drogës. Trafikantët të paktën nuk do të kenë Ministrinë me vete. A kishte gjë me të rëndë sesa vendi mbulohej me drogë, dhe Rama thoshte jo, e shkulëm të gjithë. Po të jesh kryeministri dhe të lavdërosh ministrin Tahiri, do të thotë të jesh palë me të. Tahirin e hoqi çadra. Lindi atë natë marrëveshja? Jo, nuk lindi atë natë. Por kush ndikoi? Ndikim pati përfaqësuesi i qeverisë amerikane tek të dyja palët. Zotëria thelbin e tha tek mediat. Pasi jua tha juve, na e tha neve. Ai tha se i njohim meritë opozitës për denoncimin e korrupsionit, por ne nuk i dimë motivet për bojkotin e zgjedhjeve nga opozita. Bazuar në këtë platformë u takuam me opozitën. Ai solli paketën McAllister të përmirësuar. Të tipit? Për shembull, zëvendëskryeministri. Në paketën McAllister kishte ndryshime të qarta. Pjesa parësore i është propozuar nga Basha Ramës. Pra, unë, kur erdhën këto letrat, i them ambasadorit amerikan fut dhe këto propozimet për ministrat teknikë dhe të tjerat. Pra, ju jeni kumbari? Jo, unë kam mbështetur marrëveshjen. Vetingu ka qenë pjesë e amerikanëve? Po ka qenë, pasi ai e përmirësoi te paketa McAllister. Rama kujtoi se ne nuk do e pranonim atë paketë. Ajo iu dha edhe Ramës, edhe Bashës. 3 propozimet ishin McAllister, ishte dhe një propozim i Ramës. Unë i them nxirre dhe propozimin e Bashës. Kur ne pranuam paketën e zyrtarit amerikan, kjo e kapi Ramën në befasi dhe ai e refuzoi. Rama bëri një gafë gjysmë fatale. Nëse paketa u dha, merre ose lëre pa ndryshime. Rama shkroi paketat e tij duke hedhur poshtë paketën e tij. Basha i qëndroi plotësisht paketës. Çfarë ndodhi nga takimi i Elbasanit deri në atë në Tiranë, atë nuk mund ta thotë kush. E vërteta është se Rama kaloi tunelin sikur kaloi ylberin. Pra, ndërroi gjini. Ju nuk kishit dijeni që ai do vijë? Jo. Ai nuk kishte konfirmuar pjesëmarrjen. Rama nuk ka qenë në ndonjë presion të madh, pasi ndërkombëtarët kanë thënë se do i njohin zgjedhjet edhe pa opozitën. Mos ka qenë opozita në presion?
Të dyja palët kanë qenë në presion. Zyrtarisht ambasadori, por jo vetëm mua, por edhe liderët e opozitës u ka thënë se ne nuk jemi kundër qeverisë teknike. Amerikanët ruajtën mundësinë e fundit. Ata do bënin deklaratë nëse opozita do refuzonte marrëveshjen që zyrtari amerikan propozoi. Haptas na u tha që nëse ju refuzoni ofertën, ne kemi 100 probleme në BE dhe nuk mund të kemi kundërthënie mes tyre dhe ne do bëjmë deklaratën. Merita ishte se qeveria amerikane mbajti një qëndrim të diferencuar dhe kjo ndihmoi.
Përse u investuan fuqishëm amerikanët? Zyrtari amerikan la letrën dhe iku...
Të jemi të hapur, ai erdhi me një teknikë të përparuar diplomatike, mjaft të avancuar, për të mos thënë të përsosur. Jeni pro një koalicioni PD-PS? Unë nuk e kuptoj në atë mënyrë. Unë nuk jam për koalicionet e mëdha personalisht. Nuk është kompetencë e imja kjo, por unë gjykoj se ky model nuk shkon. Në Gjermani kanë transparencë dhe treguesit e demokracisë i kanë më të arrira. Dialogu është jetik. Unë nuk di të ketë plan për koalicion. Është një pikë që është diskutuar atë natë të marrëveshjes pjesa e koalicionit? Në dijeninë time, jo. Opozita nuk ka pasur si qëllim bojkotin e zgjedhjeve. Cili do të jetë fati juaj politik në të ardhmen? Fatin tim politik e kam përcaktuar njëherë e mirë. E kam deklaruar se nuk mbaj asnjë post tjetër, veç deputetit. Mandatin e mbaj derisa unë t’i përgjigjem. Pasioni im është Parlamenti.
Mendoni që pjesëmarrja juaj në Parlament është në avantazh apo në disavantazh të z. Basha? Asnjë lidhje nuk ka me z. Basha. Kundërshtarët politikë e përdorin këtë. Kundërshtarët politikë e panë. I çoja mesazh unë atij edhe i thosha që nuk ishte ashtu siç thoshte Rama. U nda mirë Rama se po e kallte fare nga politika. Basha ka një problem që e shkatërroi në 2011. Po e shkatërronte sërish. Unë do i jepja rrugëdalje, ndërsa Basha po e çonte drejt humnerës Ramës. I çoja mesazhe Ramës edhe i thosha: Hë se ankoheshe me mua, e shikon tani?
U nda mirë Rama se po e kallte fare nga politika. Basha ka një problem që e shkatërroi në 2011. Po e shkatërronte sërish. Unë do i jepja rrugëdalje, ndërsa Basha po e çonte drejt humnerës Ramës. I çoja mesazhe Ramës edhe i thosha: Hë se ankoheshe me mua, e shikon tani?