Spaho e thotë hapur: LSI e PDIU do jenë opozitë
Nënkryetari i PD- së, Edmond Spaho, ka deklaruar se pas 25 qershorit LSI dhe PDIU do të jenë në opozitë. Në një takim me strukturat e PD- së në Elbasan, Spaho ka deklaruar se demokratët falë qëndresës së tyre arritën të ndërpresin koalicionin e maxhorancës. “Jemi pranë fitores së 25 qershorit. Ky aktivitet zhvillohet që të marrim hapa urgjentë për arritjen e suksesit më 25 qershor. PD ndërkombëtarizoi çështjen e kanabizimit të Shqipërisë për t’i dhënë fund këtij fenomeni. Në tre muaj e rrëzuam gjysmën e qeverisë së Edi Ramës. Larguan Sajmir Tahirin, simbolin e kanabizimit etj. Ndërpremë për herë të parë koalicionet parazgjedhore. LSI & PDIU do jenë partitë e opozitës pas 25 qershorit”,- tha Spaho, i cili përmes një reagimi për mediat theksoi se në opozitë do të jetë edhe Edi Rama.