Gjoba të larta ndaj mediave për reklamat e partive

Televizionet që nuk do të transmetojnë pa pagesë reklamat e partive politike gjatë fushatës do të gjobiten me shuma të konsiderueshme parash. “Në rast shkeljeje të detyrimeve të parashikuara në pikën 1 të këtij neni, apo transmetimit të reklamave politike kundrejt pagesës, Komisioni Qendror i Zgjedhjeve gjobit operatorin radioteleviziv vendor apo satelitor me 4 000 000 lekë, operatorin radioteleviziv kombëtar me 8 000 000 lekë, dhe partinë politike me 3 000 000. Vendimi i Komisionit Qendror të Zgjedhjeve përbën titull ekzekutiv dhe zbatohet nga zyra e përmbarimit gjyqësor. Ankimi ndaj vendimit nuk pezullon ekzekutimin e tij. Në rast shkeljeje, KQZ- ja urdhëron Autoritetin e Mediave Audiovizive të bëjë bllokimin e transmetimit të operatorit radioteleviziv për 48 orë”, thuhet ne nenin e ri të miratuar të hënën në Kuvend.