Llalla: Si i pastruam listat nga kandidatët e dënuar
Kryeprokurori: Rama kërkoi verifikim për listat e PS
Prokurori i Përgjithshëm, Adriatik Llalla, pranoi dje se institucioni që ai përfaqëson ka “pastruar” listat e kandidatëve për deputetë në zgjedhjet e 25 qershorit nga persona të inkriminuar.
Pasi mori pjesë në Konferencën Ndërkombëtare “Qasjet e reja hetimore ndaj organizatave kriminale që përdorin internetin”, kryeprokurori dha një deklaratë për median. Ai tha se disa javë më parë, para regjistrimit të emrave të kandidatëve në KQZ, ka pasur një kërkesë për verifikimin e listave të kandidatëve. Prokurori i Përgjithshëm bëri me dije se listat në fjalë u dërguan në Prokurori për verifikim nga ana e Kryeministrit Edi Rama. “Janë mjaft raste që janë kërkuar paraprakisht nga Kryeministri i vendit për të verifikuar emrat para se Partia Socialiste të nxirrte emrat e kandidatëve në listat përfundimtare”, deklaroi kryeprokurori Llalla. Kreu i organit të akuzës sqaroi se Prokuroria ka bërë verifikimet përkatëse dhe ka kthyer përgjigje zyrtare në lidhje me emrat. “Janë mjaft raste që janë kërkuar paraprakisht nga Kryeministri i vendit për t’u verifikuar përpara se PS të nxirrte listën e kandidatëve të saj, të cilët janë verifikuar dhe i është kthyer përgjigje përkatëse kërkuesit dhe këta individë nuk janë “Dyshimet e autoriteteve turke janë se autorët e këtyre veprave penale të këtij grushti shteti mund të jenë edhe persona që fshihen pas bizneseve. Të dhënat janë të plota, pritet vetëm verifikimi nga ana jonë. Në varësi të të dhënave që na vihen në dispozicion nga autoritetet turke, ne do të kryejmë hetime brenda kapaciteteve që kemi, pra brenda atyre hapësirave që ligji shqiptar lejon”, tha Llalla. përfshirë në listat e kandidimit të PS. Numri i tyre mund të ketë qenë rreth 2%”, bëri me dije më tej kryeprokurori Llalla. Ai evidentoi edhe faktin tjetër se deri tani Komisioni Qendror i Zgjedhjeve nuk ka bërë ndonjë kërkesë për verifikim kandidatësh. “Nga KQZ nuk na është kërkuar deri tani verifikim i kandidaturave”, bëri me dije prokurori i Përgjithshëm. “PUÇISTËT” E TURQISË
Duke iu referuar një takimi zyrtar me homologun turk pak ditë më parë, kryeprokurori Llalla tha dje se Prokuroria shqiptare ka nisur verifikime nëse në Shqipëri fshihen persona që kanë marrë pjesë në grushtin e shtetit në Turqi. Kreu i organit të akuzës pranoi se i është dhënë një listë me emra prej autoriteteve turke. “Shqetësimi kryesor i qeverisë turke aktualisht është hetimi i rasteve të ngjarjave të vitit të kaluar. Prokuroria turke kërkoi bashkëpunim të mëtejshëm me strukturat e Prokurorisë shqiptare për të vënë në dispozicion hetimet në rastet që ata dyshojnë se elementë të përfshirë në këtë grusht shteti mund të fshihen edhe në Shqipëri. Këto janë në proces hetimi, të dhënat janë paraprake, pritet verifikimi i tyre në kuadër të bashkëpunimit, do të vlerësohet nëse do të vihen në dispozicion të medias apo do të kalojnë direkt në autoritetet përkatëse”, tha Llalla.