“S` ka të dhëna për sulme në Shqipëri”

Kreu i organit të akuzës, Adriatik llalla, tha dje se nuk ka të dhëna për sulme të mundshme në Shqipëri. “Nga të dhënat e deritanishme të autoriteteve shqiptare nuk ka dyshime për ngjarje të tilla në vendin tonë. Gjithsesi, gjithë strukturat e shtetit janë të angazhuara për të mbledhur informacione në kuadër të këtij rreziku që tani është shpërndarë në gjithë botën”, bëri me dije kryeprokurori. Duke iu referuar edhe konferencës ndërkombëtare të organizuar nga Prokuroria me temë “Qasjet e reja hetimore ndaj organizatave kriminale qe përdorin internetin”, Kryeprokurori u shpreh se Shqipëria ka staf të trajnuar në Perëndim për të paraprirë një situatë të mundshme. “Më të prekura janë bizneset, individët, jeta personale e personave të ndryshëm. Prokuroria ka ngritur strukturat e saj të specializuara si në Prokurorinë qendrore, në disa prokurori të vendit”, bëri me dije Llalla.