AFATI I FUNDIT PËR APLIKIM

Për të gjithë ata maturantë të vjetër, që për arsye të ndryshme nuk janë bërë ende pjesë e garës për në universitet duke mos plotësuar formularin e parë, janë dy data të reja në dispozicion. Bëhet fjalë për datat 1 dhe 2 qershor për plotësimin e formularit A1Z. “Portali i Maturës Shtetërore online do të hapet në periudhën 1- 2 qershor 2017, nga ora 08: 00 deri në orën 16: 00. Për kandidatët që kanë detyrimin për të dhënë provime të Maturës Shtetërore, ku është afati i fundit që u vihet në dispozicion”, thuhet në njoftimin e Agjencisë Kombëtare të Provimeve.