Transferimi, Beshiktashi në gjurmët e Cikalleshit
Merkato bombastike për futbollistin e Kombëtares shqiptare
Sokol Cikalleshi mund të bëjë shumë shpejt lëvizjen më të rëndësishme të karrierës së tij futbollistike.
Pak muaj pasi karriera e sulmuesit dukej se po përballej me vështirësi të mëdha, për shkak të mosaktivizimit tek Istanbul Bashakshehir, duket se sulmuesi është shumë pranë hapit të rëndësishëm për t'u bërë pjesë e klubit të Beshiktashit. Sipas zërave të merkatos, gjithçka lidhet me transferimin përfundimtar të Pektemek nga Beshiktashi tek Istanbul Bashakshehir. Beshiktashi, që sapo u shpall kampion i Turqisë, pëlqen futbollistin shqiptar, i cili po shkëlqen me Akhisar dhe dëshiron ta bëjë atë pjesë të marrëveshjes, në një shkëmbim të mundshëm. Cikalleshi ka rënë në sy në muajt e fundit me rregullsinë me të cilën po gjen rrjetën dhe Beshiktash e sheh atë si një alternativë të vlefshme për vitin në vazhdim. Është mësuar se oferta që po negociohet aktualisht është ajo e një kontrate katërvjeçare për 26- vjeçarin, me një rrogë prej 1 milion dollarësh në sezon. Kjo do të ish- te një nga lëvizjet më të bujshme të merkatos së verës për futbollistët shqiptarë, por ndërkohë do ta vendoste Cikalleshin përballë një prove shumë të vështirë, pasi ai do të shkonte në një skuadër ku rivalë në repartin e sulmit ka emra si Abubakar, Babel, Tosun, apo Demba Ba.
TRANSFERIMET E GODITURA
Mediat turke kanë bërë edhe një listë transferimesh në merkaton e dimrit, të cilat kanë rezultuar të suksesshme. Prestigjiozja "Bein Sports" në versionin turk ka listuar disa transferime gjatë muajit janar, të cilat kanë arritur të japin efekt. Një prej tyre është edhe ai i Cikalleshit, i cili u huazua nga Basaksehir tek Ahkisar. Shqiptari është shndërruar në pikën e referimit për këtë të fundit, duke e shpëtuar nga rënia në kategorinë inferiore me golat e tij.