Kompetencat pas reformës, KLD: Kushtetuesja të ishte më e qartë
TIRANE - Situata ligjore në të cilën gjendet aktualisht Këshilli i Lartë i Drejtësisë është bërë objekt debatesh në mbledhjen e fundit të këtij organi, mbajtur më 9 maj 2017. Thelbi i debatit kanë qenë kompetencat ligjore që ka aktualisht KLD- ja, e cila po vijon ushtrimin e funksionit bazuar në një vendim të Kushtetueses, sipas anëtarëve, të paqartë, që e lejon deri në konstituimin e plotë të organeve të reja kushtetuese. Referuar procesverbalit të mbledhjes, një kopje e të cilit është siguruar nga “Panorama”, debati ka lindur pas një kërkesë të anëtarit Xhezarir Zaganjori, njëkohësisht kreu i Gjykatës së Lartë për plotësim të kësaj gjykate me këshilltarë ligjorë. Presidenti i Repub- likës, Bujar Nishani, në cilësinë e kreut të KLD ka pohuar se këshilltarët duhet të jenë magjistratë, por transferimi i tyre nga vendet ku ushtrojnë detyrën, mund t’i fusë këto gjykata në kolaps. Në vijim zbardhen pjesë nga debati në KLD.
PETRIT ÇOMO: ... Të diskutojmë kompetencat që kemi në kuadër dhe të vendimit të Gjykatës Kushtetuese, domethënë deri në datën 10, 11 prill kishim një lloj mandati, pas kësaj date në kuadër të Gjykatës Kushtetuese që të jemi plotësisht të bindur në legjitimitetin e vendimeve që do marrim. Unë them se duhet diskutuar, sepse gjykata në biseda informale me anëtarët e Gjykatës Kushtetuese ata thonë që ju duhet të vazhdo- ni me kompetenca të plota, sepse kështu është shkruar te arsyetimi i vendimit. Unë po them mendimin tim, që ne nuk mund të ecim me kompetenca të plota me këtë Kushtetutë që kemi në fuqi.
BUJAR NISHANI: ... Për ta ndihmuar diskutimin, duke qenë se jemi në kontekstin e një periudhë tranzitore, unë do të propozoja që në lidhje me vendimin e Gjykatës Kushtetuese që ne nuk kemi kompetencë ta gjykojmë më, ka krijuar një lloj hapësire që mirë do ishte që të kishte qenë më e qartë. Unë mendoj që neve më shumë për t’u treguar të përgjegjshëm edhe dashamirës, të dyja bashkë me situatën me fazën që po kalojmë, ta vazhdojmë punën e Këshillit të Lartë të Drejtësisë me ato kompetenca të kufizuara që i ka parashikuar Kushtetuta. Në qoftë se do t’i qëndronim strikt mund të fusnim pafundësisht edhe pozicionin e Presidentit. Mund ta drejtojë më Presidenti KLDnë apo jo? Ne nuk kemi as nënkryetar, sepse po të kishim nënkryetar, ishte gjë e zgjidhur se Presidenti mund të rrinte në zyrë dhe të vazhdonte nënkryetari, por meqenëse s‘ kemi as nënkryetar, mendoj që kjo është pikëpamja ime. Pastaj, nëse do të hapim debat, këndvështrimet juridike mund të jenë pafundësisht.
GERD HOXHA: ... Kaloi një muaj, e dy e tre dhe jemi sot disa muaj mbrapa dhe kush na siguron ne që kjo situatë nuk do të vazhdojë. Ne urojmë që kjo situatë të mbarojë sa më shpejt, në mënyrë që organet e reja kushtetuese të fillojnë punën, por jemi përpara faktit që ndodhi. Atëherë shteti duhet të vazhdojë funksionimin e tij normal. Dhe këtë ka pasur parasysh edhe Gjykata Kushtetuese. Mund të ishte ndoshta dhe më e qartë Gjykata Kushtetuese, por ata kanë zgjedhur të flasin në mënyrë kushtetuese, por ne na takon. ar. ba