VRION GRAÇI: DY FITUESIT E MËPARSHËM, TË DËSHTUAR
Siç ndodh rëndom me çmimet, pas çdo ceremonie, do të ketë pa dyshim edhe të pakënaqur. Një ndër ta është edhe njëri prej finalistëve, madje finalisti kryesor, shkrimtari Vrion Graçi. Pa kaluar shumë nga ceremonia e zhvilluar në Razmë, Graçi do të shprehte pakënaqësinë e tij përmes një postimi në rrjetin social Facebook. Sipas tij, edhe fituesit e mëparshëm të çmimit "Kadare" kanë qenë të dështuar, madje të hedhur poshtë nga vetë botuesit. "Tre vjet çmimi Kadare. Dy librat fitues të këtij çmimi në dy vitet e mëparshme janë të dy libra të dështuar rëndshëm, të dështuar në treg, të dështuar në opinionin kulturor- letrar në Shqipëri e në Kosovë. ( I pari libër fitues u sulmua ndyrë në vetë entin e tij botues, Mapo, vetëm një javë pas ceremonisë kremtuese dhe.. botimit.) Të shohim e dëgjojmë çfarë ka gatuar i treti, mjeshtri i këtij viti për mjeshtrat e tij sponsorizues", shkruan Vrion Graçi, një nga emrat më në zë të letërsisë bashkëkohore shqiptare, i vlerësuar edhe me çmime kombëtare letrare.