Lista, Basha: I bindur se mora vendimet e duhura
“Qarkullimi i elitave është ligj në politikën europiane”
Kryetari i Partisë Demokratike, Lulzim Basha, reagoi dje ndaj kritikëve të listës së kandidatëve për deputetë të Partisë Demokratike.
“Si mendoni kam marrë vendimet e duhura apo jo? Unë them që kam marrë vendimet e duhura. Jam i bindur që kam marrë vendimet e duhura. Qarkullimi i elitave është ligj në politikën europiane, përndryshe nuk është republikë, është monarki”, tha Basha gjatë një takimi elektoral në Lezhë. Kreu i PD-së nuk iu përgjigj direkt ish- ministrave të Partisë Demokratike gjatë qeverisjes Berisha, por u kujtoi atyre se në PD s’mund të jesh vetëm për karrige. “Me Partinë Demokratike nuk mund të të lidhë vetëm karri- gia. Je deputet e do partinë, s’je deputet s’e do partinë! Po ti s’e paske për partinë, e paske për karrigen”, u shpreh Basha. Para qytetarëve të Lezhës, kreu i PD- së prezantoi kandidatët për deputetë në këtë qark, ndërsa kërkoi votën për ta qeverisur vendin më mirë se Edi Rama. “Me mua kryeministër në Republikën e Re nuk do të ketë më palma, nuk do të ketë më fasada pa mbyllur në fillim plagët dhe hallet e shqiptarëve duke filluar me uljen e taksave. Ulja e taksave, ulja e TVSH- së jo vetëm do të lehtësojë jetët e njerëzve, por do të mundësojë po kështu që miliona euro që sot struken nga frika e taksave apo zhbëhet nga frika e falimentimeve të ndërmarrjeve, të qarkullojnë në Lezhë e mbarë Shqipërinë”, tha Basha. Kreu demokrat tha se Shqipëria ka nevojë për një kryeministër që të punojë për shqiptarët e të jetojë me hallet e tyre. “Nuk mban më ujë pilafi. Shqipëria ka nevojë për një ekip, për një program dhe për një kryeministër që të vërë ekonominë në punë, që të ulë taksat, të punojë për njerëzit, që të rregullojë shëndetësinë, arsimin dhe të bëjë të mundur të mundur studimin e çdo të riu dhe të reje, pavarësisht prej mundësive ekonomike. Shqipëria ka nevojë për një kryeministër që nuk e ka mendjen tek telajo, por e ka mendjen, sytë, veshët e shpirtin tek ju. Unë do të jem ai kryeministër. Unë do të jem kryeministri juaj, i lezhjanëve dhe i gjithë shqiptarëve. Do të punoj me mish e me shpirt e bashkë do ta kthejmë Shqipërinë dhe rrotën e historisë edhe një herë siç bëmë të mundur në ditët më të vështira kur shpresa dukej se kishte humbur”, u shpreh Basha.