Arben Golemi, i tjetërsuar në Galerinë e Arteve
Nga njëri vit në tjetrin ai vjen "i tjetërsuar". Janë 13 vjet krijim, një rrugëtim gjatë të cilit ai gjen shtigje të reja krijuese, ndjek hapa dhe domethënie të reja, duke iu qasur publikut gjithmonë ndryshe, por prapë po ai.
Galeria Kombëtare e Arteve sjell në datën 2 qershor ekspozitën "Tjetërsim" të piktorit Arben Golemi. Pas një seri ekspozitash hapur në galeri të ndryshme private të Tiranës, por edhe qytete të tjera të Shqipërisë, në hapje të sezonit turistik, Golemi vjen në GKA me një ekspozitë vetjake me vepra të realizuara në harkun kohor 2005- 2017. Kuratori i ekspozitës Ylli Drishti ka përzgjedhur për këtë ekspozitë rreth 67 punime në teknikë mikse, duke i ofruar publikut një panoramë të rrugës krijuese të Golemit gjatë këtyre viteve. Sipas konceptit kuratorial ekspozita përmban katër cikle kryesore; Berati, New York, Baroque dhe Pylli. Këto cikle piktorike përbëhen nga tablo unikale, të cilat nuk përsërisin njëratjetrën, përkundrazi na sjellin një larmi kompozicionale dhe një fuqi koloristike të papritur.
Kjo është ekspozita e katërt vetjake e autorit në Galerinë Kombëtare, por veçanërisht kjo përzgjedhje evokon pjekurinë artistike të autorit përmes një koloriti dekorativ shpërthyes dhe një "kodi unik artistik". Arben Golemi është një nga piktorët e rëndësishëm të artit modern shqiptar. Me krijimtarinë e tij Golemi ndikoi në rrethet artistike të vendlindjes, duke krijuar imazhin e një piktori modern, kërkues të formave dhe shprehjeve të reja artistike. Piktura e tij theu mentalitetin artistik ekzistues të artit realist mbizotërues, ndërsa Golemi u bë një nga protagonistët kryesorë të asaj që mund të quhet "piktura mod- erne shqiptare e fundit të shekullit XX". Pas viteve 1990 krijimtaria e tij u prezantua në shumë veprimtari ndërkombëtare, ekspozita personale e kolektive. "Tjetërsim" do të ekspozohet në sallën kryesore të ekspozitave në Galerinë Kombëtare.
Ekspozita përmban katër cikle kryesore; Berati, New York, Baroque dhe Pylli. Këto cikle piktorike përbëhen nga tablo unikale, të cilat nuk përsërisin njëra- tjetrën, përkundrazi na sjellin një larmi kompozicionale dhe një fuqi koloristike të papritur