“Marrëveshja PS- PD zhbën Reformën në Drejtësi”
Gjinushi: Bashkëqeverisja do të thotë mbyllje e gjithçkaje
Kreu i PSD- së, Skënder Gjinushi, është i bindur se marrëveshja politike mes PS- së e PD- së do të vazhdojë edhe pas zgjedhjeve të 25 qershorit. Sipas Gjinushit, një bashkëpunim i tillë do të pamundësonte edhe zbatimin e Reformës në Drejtësi, pasi palët do të dilnin garant për njëritjetrin. “Nga ky bashkëpunim s’do prodhohej zbatimi i Reformës në Drejtësi, sepse nuk do të dënonin dot më njëritjetrin pastaj. P. sh. Lulzim Basha nga ky bashkëpunim PS-PD mund të dënohet për 21 janarin? Se ai e ka dhe publike këtë, se dosjen e ka më të trashën nga të gjithë këta. Tani të gjithë shqiptarët në këto 4 vite janë ngopur me pritshmërinë që ‘ ja të bëhet reforma që të fillojë pastrimi’, apo ‘ ja të bëhet reforma që të bëhet drejtësia’, ‘ të bëhet reforma që të fillojë ndëshkueshmëria në nivelet e larta’. Të tëra palët thonë që kemi prova për tjetrin, por pavarësisht se ata se ç’kanë ata, publiku ka provat e veta, se ka prova plot që ata janë kapur me presh në dorë, pa harruar Gërdecin, 21 janarin, që janë jo vetëm publike, por krimi është publik dhe kriminelët nuk janë dënuar”, shprehet Gjinushi. Kreu i PSD- së është i bindur se edhe kjo marrëveshje do të ketë fatin e asaj që nënshkruan Nano e Berisha disa vite më parë. “Në qoftë se dikush premton se pas kësaj ka një bashkëqeverisje PS- PD, atëherë kjo do të thotë mbyllje e gjithçkaje çfarë ka ndodhur. Një tentativë e ngjashme me atë të vitit 2002, Nano-Berisha, apo e 2007- s, por nuk kanë qenë jetëgjate këto marrëveshje dhe kur marrëveshja e Nanos me Berishën dështoi besoj se të mos dështojë një mar- rëveshje e ngjashme Rama- Basha. Kështu që, një bashkëpunim- pazar PS- PD do të bënte që e gjithë Reforma në Drejtësi të kthehej në një reformë në letër, se pastaj me ‘ Gërdecin’, me ‘ 21 janarin’, me koncesione e me afera korruptive, të gjitha këto çështje e ngjarje të mbylleshin për shkak të hatrit të njëri- tjetrit. Pra, PD-ja dhe PS- ja do të fshinin krimet që kanë bërë. Marrëveshje interesi, ndaj nuk duhet t’i lemë të shkelin demokracinë e brishtë shqiptare”, thekson kreu i PSD-së.