Rrëmbimi, flet e fejuara: Dreka e fundit me Gaz Çollakun
“Ishim në Golem para krimit, si e mësova se e kishin vrarë”
Më 6 janar 2016, pak orë para se të rrëmbehej nga persona me uniforma policie për t’u torturuar dhe më pas për t’u ekzekutuar e hedhur në rrugë në zonën e FushëKrujës, Gazmend Çollaku ka drekuar me të fejuarën e tij në Golem.
Fakti u rrëfye dje te Krimet e Rënda nga ana e ishtë fejuarës së Çollakut, Amanda Th. E reja u paraqit në gjykatë si dëshmitare e prokurorisë në gjykimin ndaj Denis Shtrazës, i dyshuar si i përfshirë në rrëmbimin e Çollakut. Dëshmitarja tregoi si ishte vënë në dijeni për ngjarjen dhe për marrëdhënien mes Gazmend Çollakut dhe të pandehurit Denis Shtraza. Amanda Th. ishte dëshmitarja e parë në procesin gjyqësor ndaj Shtrazës, i akuzuar për “rrëmbim ose mbajtje peng të personit e paraprirë ose e shoqëruar me tortura fizike dhe kur është shkaktuar vdekja e tij”, “prodhim dhe mbajtje pa leje të armëve luftarake”, si dhe “mbajtje pa të drejtë të uniformës”.
E FEJUARA Në dëshminë e saj Amanda Th. tregoi se Çollaku kishte shkuar me një automjet “Mercedes” të bardhë dhe e kishte marrë tek institucioni ku ajo ishte e punësuar. “Shkuam në një restorant në Golem, ku hëngrëm drekë dhe në përfundim u kthyem sërish në Durrës”, tha dëshmitarja. Dëshmitarja rrëfeu se 23 orë më vonë ishte shqetësuar për shkak se Çollaku nuk po u përgjigjej thirrjeve të saj në telefon. Ajo ka shkuar te një lokal në zonën e ish-” Vollgës”, ku rrinin gjatë pasditeve. Kur kam shkuar aty, kam parë që para lokalit kishte shumë efektivë, policie dhe aty jam njoftuar se ishte rrëmbyer Gazmendi”, u shpreh Amanda Th. Para pesëshes gjykuese të Denis Shtrazës dëshmitarja tha se nuk kishte dijeni për ndonjë konflikt të të fejuarit të saj. “Ai shkonte herë pas herë në Itali, për blerjen e autom- jeteve, pasi merrej me tregëti makinash. Unë nuk di që ai të ketë pasur ndonjë konflikt me ndokënd”, vijoi dëshmitarja. Amanda Th. shpjegoi se e njihte të pandehurin Denis Shtraza, pasi kishin jetuar në të njëjtën lagje në qytetin e Durrësit. “Nuk mbaj mend qe Gazmendi të më ketë thënë për ndonjë konflikt mes tij dhe Denisit”, tha dëshmitarja. STAFI Gjatë seancës së djeshme u dëgjua edhe dëshmia e dy pjestarë të stafit dhe klientës së lokalit, në parkingun e të cilit u rrëmbye Gazmend Çollaku. Klodian K. dhe Taulant L. thanë para gjykatës se kishin dëgjuar një zhurmë të pazakonte nga parkingu i lokalit, por se nuk kishin mundur të shikonin dinamikën e rrëmbimit, apo rrëmbyesit. “Dëgjuam një zhurmë nga parkingu i pasëm. Nuk kuptohej në ishte krismë, apo fishekzjarr. Njerëzit në lokal u trembën. Pasjë vetëm dritat e makinës”, tha Klodian K. Dëshmitari Taulant L. tha se pasi kishte dëguar një krismë, kishte dalë në tek shkallët e pasmë të lokalit. “Dola tek shkallët e mbrapme, andej nga dilet tek parkingu. Pashë një “Audi A6”, të zi, që u lar- gua. Seanca e radhës e këtij procesi gjyqsor do të vijojë me pyetjen e dëshmitarëve të tjerë të Prokurorisë, mes të cilëve edhe të njohur të Ervin Dalipit, ish- i pandehur në proces, i ekzekutuar në një atentat mafioz në 27 prill 2017.