Arrestohet bashkëjetuesi i gjyshes, i përdhunoi mbesën
Ishte në kërkim, tri vite më parë e kallëzoi një 15- vjeçare
“Pasi më zhveshi, më kapi me forcë duart dhe më zuri gojën me njërën dorë për të mos bërtitur. Më pas pa dëshirën time ai ka filluar të kryejë marrëdhënie seksuale duke më thënë vazhdimisht ‘ mos bërtit se do të të rrah’”, ka deklaruar e mitura
Përdhunoi mbesën 15- vjeçare të bashkëjetueses, kapet 66- vjeçari i dënuar nga Gjykata e Vlorës.
Policia bëri të ditur se arrestoi shtetasin Gjergji Memokondaj, i cili ishte dënuar me 4 vite e 5 muaj burg për veprën penale “Marrëdhënie seksuale ose homoseksuale me dhunë me të mitur të moshës 14- 18 vjeç”, parashikuar nga neni 101/ 1 i Kodit Penal. 66- vjeçari ishte shpallur në kërkim në vitin 2013, pas kallëzimit të kryer nga shtetasja me inicialet R. M., 15 vjeçe ( lindur në 1998- n).
Sipas të dhënave të Policisë, 15- vjeçarja jetonte në fshatin Babicë e Madhe me gjyshen e saj, shtetasen Festime Halilaj. Por kjo e fundit ishte në një bashkëjetesë me Gjergji Memokondajn e për rrjedhojë ata jetonin të tre së bashku. “Më datë 11.10.2013, në Komisariatin e Policisë Vlorë është paraqitur shtetasja R. M., e cila ka kallëzuar për veprën penale të ‘ Marrëdhënieve seksuale me dhunë me të mitur të moshës 14- 18 vjeç’, bashkëjetuesin e gjyshes së saj, Gjergji Memokondaj”, bëri të ditur Policia. Sipas të dhënave, pas kallëzimit në vitin 2013, Memokondaj është larguar nga banesa në Babicë duke humbur gjurmët. Ai është dënuar në mungesë, e prej asaj kohe ka jetuar në arrati. Burime nga policia bënë të ditur se prej disa javësh kishin marrë sinjale në rrugë operative se i dënuari jetonte në një banesë në qytetin e Vlorës. Dyshohet se gjatë kësaj periudhe ai ka jetuar nëpër të afërmit e tij, por nuk përjashtohet dyshimi që të ketë jetuar edhe jashtë për një periudhë kohe, duke kaluar nëpërmjet kufirit të gjelbër.
Referuar vendimit të Gjykatës Vlorë, denoncuesja ka deklaruar se gjatë kohës që ka qëndruar në këtë banesë, ajo është përdhunuar nga bashkëjetuesi i gjyshes së saj Gjergj Memokondaj. Ndër të tjera ajo ka shpjeguar se në muajin gusht të vitit 2013, në kohën që ka qenë në banesë vetëm me Memokondajn, ky i fundit ka filluar ta prekë në pjesët intime të trupit e mandej e ka zhveshur.
Ajo e ka kundërshtuar duke lëvizur nga vendi ku ishte ulur dhe ka shkuar e është ulur në një divan tjetër në dhomën e ndenjjes. Por ai i është afruar sërish dhe e ka qëlluar me pëllëmbë në fytyrë duke filluar t’i zbërthejë pantallonat. “Pasi më zhveshi, më kapi me forcë duart dhe më zuri gojën me njërën dorë për të mos bërtitur. Më pas pa dëshirën time ai ka filluar të kryejë marrëdhënie seksuale duke më thënë vazhdimisht ‘ mos bërtit se do të të rrah’”, ka deklaruar e mitura. Pas kryerjes së marrëdhënies seksuale, ai e ka kërcënuar që të mos tregonte dhe pasi ka veshur pantallonat, ka dalë në oborr. Në dëshminë e saj e dëmtuara shpjegon se shtetasi Gjergji Memokondaj ka kryer marrëdhënie seksuale me të jash- të dëshirës së saj, duke ushtruar dhunë fizike e psikologjike mbi të, si dhe duke e kërcënuar që të mos tregonte.
“Policia ka arrestuar shtetasin Gjergji Memokondaj, 66 vjeç, banues në fshatin Babicë. Kapja dhe arrestimi i Gjergji Memokondajt u bë pasi ky shtetas ka qenë i shpallur në kërkim për veprën penale ‘ Marrëdhënie seksuale ose homoseksuale me dhunë me të mitur të moshës 14- 18 vjeç’, parashikuar nga neni 101/ 1 i Kodit Penal. Vepër penale për të cilën Gjykata e Rrethit Gjyqësor Vlorë me Vendimin nr. 593, datë 03.12.2014, e ka dënuar këtë shtetas me 4 vite e 5 muaj burg”, thuhej në njoftimin e dhënë dje nga Policia e Vlorës.