Rrugëtimi në Europian nis me barazim, Zeka të kuq për 3 minuta
Ledian Memushaj zhvilloi një ndeshje të shkëlqyer kundër Izraelit me fanellën e përfaqësueses, të kurorëzuar edhe me një gol që vulosi rezultatin përfundimtar 3- 0, i cili ktheu Shqipërinë në vendin e tretë në grup.
Por, pa kaluar as 24 orë nga kjo paraqitje, ai ka marrë një tjetër lajm të mirë që ka të bëjë me qëndrimin e tij në Serinë A edhe në sezonin e ardhshëm.
OFERTA
Sipas mediave italiane, klubi i Bolonjës i ka bërë një ofertë zyrtare Peskarës që zotëron kartonin e mesfushorit të përfaqësueses shqiptare. Shifra që i është ofruar, është e ndjeshme, 2 milionë euro, e cila mund ta bindë Peskarën të heqë dorë nga kapiteni për t'i investuar në futbollistë të rinj, siç është edhe politika e klubit sa herë që zbret në Serinë B. Memushaj ka qenë pjesë e rëndësishme për "delfinët" si në edicionin kur u ngjit në Serinë A, por edhe gjatë vitit të shkuar kur kjo skuadër qëndroi në elitën e futbollit italian. Megjithëse nuk u sigurua qëndrimi në këtë kategori, kontributi i kapitenit në këtë ekip është vlerësuar gjithmonë.
BISEDIMET
Prej javësh, emri i Memushajt ka qenë në krye të listës së dëshirave nga Bolonja, e cila ka nevojë për një mesfushor pas largimit të Blerim Xhemajlit drejt Amerikës. Ndërkohë, nga dje mësohet se zërat e merkatos kanë nisur të konkretizohen dhe ekipi i Serisë A po bën lëvizjet e para zyrtare për të siguruar shërbimet e mesfushorit vlonjat. Vetë futbollisti dëshiron të qëndrojë në elitën e futbollit italian dhe, sipas trajnerit të Bolonjës, Donadoni, ai është futbollisti i duhur për të lidhur mesfushën me mbrojtjen, siç ka bërë më parë Xhemajli në këtë skuadër. Tani pritet përgjigjja e Peskarës, por në Itali duken të sigurt se sezoni i ardhshëm do ta shohë atë përsëri në Serinë A. Shqiptari është një futbollist i rëndësishëm për skuadrën e Peskarës, por oferta për kartonin e tij i shërben kësaj skuadre edhe për të pasur para të vlefshme për t'u investuar gjatë edicionit të ardhshëm, ku do të synohet ngjitja sërish në elitën e futbollit italian.
Kombëtarja shqiptare U- 21 e ka nisur me një barazim pa gola ndaj Estonisë rrugëtimin e saj në kualifikueset e Kampionatit Europian të kësaj grupmoshe. Trajneri Bushi kishte bërë shumë zëvendësime në formacionin titullar në krahasim me duelin ndaj Francës, si pasojë e dëmtimeve të futbollistëve të ndryshëm. Ndaj, nga minuta e parë në fushë zbritën futbollistë si Ceka, Kallaku e Mustafa, të cilët kishin luajtur më pak në takimet e mëparshme të kuqezinjve. Por Shqipëria dominoi në lojën e saj, duke krijuar raste të njëpasnjëshme para portës kundërshtare, ku me radhë Abazaj, Seferi e Mustafa vunë në vështirësi portierin Igonen. Ky i fundit ishte në një formë të shkëlqyer dhe mbajti në lojë skuadrën e tij me ndërhyrje shpeshherë vendimtare, si ajo ndaj Bares që provoi të shënonte direkt edhe nga goditja e këndit. Planet e Bushit për minutat e fundit të ndeshjes u prishën në momentin kur u aktivizua Agim Zeka. Talenti që luan në Francë u ndëshkua me karton të kuq vetëm 3 minuta pasi hyri në fush- ën e lojës, sepse shkeli një kundërshtar, duke lënë ekipin me 10 lojtarë. Por edhe kjo nuk ndali sulmet e kuqezinjve që provuan në të gjitha mënyrat të shënonin deri në vërshëllimën përfundimtare. Megjithatë, asnjë nuk arriti të dërgonte topin në rrjetë, duke mbyllur këtë ndeshje të parë të eliminatoreve me barazimin 0- 0.