ANTIREPUBLIKANI

Një person i armatosur hapi zjarr të mërkurën ndaj ligjvënësve republikanë të SHBA- ve që po praktikoheshin pranë Uashingtonit për një lojë bamirësie bejsbolli, duke plagosur një nga udhëheqësit republikanë në Dhomën Përfaqësuese, Steve Scalise, dhe disa të tjerë.

Personi u qëllua nga Policia dhe vdiq nga plagët. Sulmuesi, një 66- vjeçar nga Ilinois, i cili kishte shfryrë kundër republikanëve në mediat sociale, ka qëlluar në mënyrë të përsëritur në fushën e bejsbollit në Aleksandri, Virxhinia. Ai u plagos në një përplasje me Policinë e Kapitol Hill. Scalise është numri tre për nga rëndësia i lidershipit republikan në Dhomën Përfaqësuese. Ai është plagosur në zonën e legenit. Presidenti amerikan, Donald Trump, njoftoi se personi që plagosi kongresmenin Scalise ka vdekur për shkak të plagëve të marra. Agresori është shtetasi amerikan Xhejms Hodgkinson dhe ngjarja nuk ka lidhje me terrorizmin. Në një konferencë për mediat në lidhje me ngjarjen e rëndë ku mbeti i plagosur Scalise, një ish- ndihmës i tij në Kapitol Hill dhe dy oficerë policie, Trump kon- Hodgkinson kishte shprehur zemërimin kundër Trump në mediat sociale dhe ishte anëtar i shumë grupeve antirepublikane në "Facebook", duke përfshirë "Rruga për në ferr është e shtruar me republikanë", "Jepini fund Partisë Republikane" dhe "Donald Trump nuk është presidenti im". Këto të dhëna dolën nga kërkimi në profilin e faqes së tij në "Facebook". firmoi se autori i ngjarjes ka vdekur. Në fjalën e tij për sulmin me armë në fushën e stërvitjes për bejsboll në Aleksandri të Virxhinias jo shumë larg Uashingtonit, Trump tha: "Autoritetet po hetojnë krimin dhe autori i ngjarjes ka vdekur për shkak të plagëve. Kongresmeni Steve Scalise u qëllua dhe u plagos keq, por tani është në gjendje të qëndrueshme në spital bashkë me dy oficerë policie shumë të guximshëm. Shumë jetë do të humbitnin nëse nuk do të ishte ndërhyrja e dy policëve, të cilët u plagosën gjatë sulmit brutal". Nuk bëhet e ditur se çfarë e ka shtyrë autorin të veprojë në këtë mënyrë. KUSH ISHTE AUTORI Mediat amerikane e kanë identifikuar autorin si Xhejms Hodgkinson. Sipas "The Washington Post", Hodgkinson vinte nga një komunitet i vogël i Belleville, Ilinois, afër St Louis. Hodgkinson, 66- vjeçar, kishte në pronësi një biznes të inspektimit të shtëpive. Licenca e tij skadoi në nëntor 2016 dhe nuk u rinovua. Të dhënat kriminale tregojnë se Hodgkinson, në prill të vitit 2006 ishte akuzuar për sulm fizik dhe dëmtim të një automjeti, akuza të cilat ishin hedhur poshtë më vonë. Gjashtëdhjetegjashtëvjeçari mendohet se ka qëlluar mbi 70 fishekë ndaj politikanëve amerikanë, të cilët po stërviteshin në një fushë bejsbolli për lojën mes kongresmenëve që zhvillohet për bamirësi. Incidenti ndodhi teksa republikanët po ushtroheshin për një ndeshje bejsbolli kundër demokratëve, ka raportuar BBC.