Haradinaj: Qeveria, 1 javë pas certifikimit të zgjedhjeve
Kandidati për kryeministër i PDK- AAKNisma, optimist për bashkimin me LDK
Kandidati për kryeministër të Kosovës i koalicionit PDK- AAKNisma, që u rendit i pari në zgjedhjet e 11 qershorit në Kosovë, tha se Qeveria e re do të formohet një javë pas certifikimit të rezultateve.
Ramush Haradinaj u shpreh se beson që ka një traditë të bashkëpunimit me Lidhjen Demokratike të Kosovës, e cila mund të vazhdojë edhe në qeverisjen e ardhshme. Sipas tij, brenda një afati shumë të shkurtër kohor do të formojë institucionet e vendit. "Unë kam diçka konkrete, por nuk e kam ende për ta lajmëruar për opinion. Por ajo për të cilën mund t'i siguroj qytetarët e vendit është se në një afat të shkurtër kohor pas nominimit zyrtar, pas certifikimit të rezultateve, mendoj në më pak se një javë, do të formojmë qeverinë e vendit", tha Haradinaj në një intervistë dhënë REL. Kreu i Aleancës për Ardhmërinë e Kosovës ka pritur në një takim ambasadorin e Shteteve të Bashkuara të Amerikës në Kosovë, Greg Delawie, për vazhdimësinë e bisedave të përbashkëta për aktualitetin dhe zhvillimet në Kosovë. Haradinaj dhe Delawie folën për procesin e zgjedhjeve të parakohshme parlamentare në Kosovë dhe mbarëvajtjen e tyre, si dhe për nevojën e krijimit të shpejtë të institucioneve të vendit me qëllim të avancimit të proceseve të Kosovës. Sipas AAK- së, Haradinaj theksoi në veçanti mirënjohjen për SHBA- të dhe rolin e tyre në ndihmë të Kosovës në të gjitha proceset e saj, dhe në veçanti ndihmës në shtetndërtim dhe krijimin e një shoqërie demokratike në vend. Edhe pse ai la të shpresohet për një koalicion me LDK- në, nga kjo parti dhe koalicioni i tyre është thënë se nuk do të pranojnë të jenë pjesë e asnjë qeverie ku përfshihet edhe PDK. Për koalicionin e mundshëm të Haradinajt, pasi të marrë mandatin për qeverinë, ka folur edhe deputeti i AAK- së, Daut Haradinaj. Ai tha se koalicioni i tyre është i hapur për bashkëpunime paszgjedhore. "Ne do të sh-
Parlamenti Europian ka miratuar të mërkurën një raport të raportueses për Kosovën në Parlamentin Europian, Ulrike Lunacek, për progresin e Kosovës drejt Bashkimit Europian. Lunaçek ka thënë se disa ditë pas zgjedhjeve në Kosovë, votimi i PE- së dërgon edhe një herë një sinjal të fortë se e ardhmja e Republikës së Kosovës është në Bashkimin Europian. "Fillimisht, ky raport kërkon nga politikanët dhe partitë politike që me shpejtësi të formojnë Qeverinë. Duhet vazhduar rruga drejt BE- së dhe për të bërë përparim drejt liberalizimin e vizave, aq të dëshiruar nga qytetarët e Kosovës. Dy kriteret e mbetura duhet dhe mund të përmbushen nga Kosova së shpejti: ratifikimi i Marrëveshjes së Demarkacionit me Malin e Zi në Kuvendin e Kosovës është domosdoshmëri. Edhe për kushtin e dytë, lufta kundër korrupsionit dhe krimit të organizuar, ka pasur përparim por Qeveria e re duhet të sigurojë progres të mëtejmë", tha ajo. kojmë me marrëveshje, jemi të hapur për bashkëpunim me të gjithë, por është akoma herët të thuhet se me cilin subjekt. Unë personalisht kam raporte të mira me të gjitha subjektet politike, kemi dallime programore dhe për mua personalisht i respektoj, kemi kontakte, por jo në kuptimin e marrëveshjeve për krijimin e Qeverisë", tha ai. Ndërkohë pjesë e koalicionit të parë nga zgjedhjet e fundit është edhe PDK. Edhe kryetari i Partisë Demokratike të Kosovës, njëherësh kryeparlamentar në detyrë, ka pritur të martën në takime të ndara ambasadorin amerikan, Greg Delawie, dhe disa ambasadorë të tjerë, ku kanë diskutuar për procesin zgjedhor. Veseli i ka siguruar diplomatët se Kosova shumë shpejt do të formojë institucionet e reja.