Kapet parukierja, shfrytëzonte klientet për prostitucion

TIRANE - Një parukiere 50- vjeçare është vënë në pranga dje nga Policia e Tiranës, pasi bashkë me të dashurin e saj 62 vjeç dyshohet se shfrytëzonin për prostitucion kliente që merrnin shërbime në sallonin e saj të bukurisë. Burime nga policia thanë se gjatë operacionit të koduar "Real", u arrestuan edhe një klient, banues në Prishtinë, si dhe vajza që ushtronte prostitucion, një 27- vjeçare nga Tirana. Të njëjtat burime thanë se, gjatë hetimeve për rrjetin e prostitucionit rezultoi se tutore ish- te 50- vjeçarja me iniciale T. Th. e ndihmuar edhe nga i dashuri i saj, 62- vjeçari me iniciale P. J. Gruaja e dyshuar si tutore kishte ngritur një skemë të veçantë për shfrytëzimin e prostitucionit. Për klientet që nuk kishin para të paguanin shërbimet që kryenin në sallonin e saj të bukurisë, ajo në disa raste ua bënte shërbimet falas. Por kur mblidheshin shumë para dhe ato nuk kishin mundësi t'i paguanin, 50-vjeçarja kontaktonte me të dashurin e saj, i cili gjente klientë dhe ato duhej të prostituonin në mënyrë që të shlyenin borxhin. Vajzat e reja transportoheshin nga i dashuri i saj në motele të ndryshme në Vaqarr dhe Ndroq, ku ofronin shërbime seksi kundrejt një pagese nga 100 deri në 200 euro. Këto para përvetësoheshin nga çifti, pasi vajzave u bëhej e qartë se këtë shër- bim po e kryenin për të shlyer detyrimet që ato i kishin parukerisë ku kishin marrë shërbime pa paguar para. Policia tha dje se, përveç tutorëve, u arrestuan në flagrancë shtetasit B. D., 52 vjeç, nga Kosova dhe 27- vjeçarja me iniciale E. P., të cilët u kapën në një motel. Policia vijon hetimet për të identifikuar vajza të tjera që janë shfrytëzuar për prostitucion nga çifti i arrestuar.