PROGRAMI I PD
TAKSAT
Tatimi mbi vlerën e shtuar ( TVSH), 15% Pagat deri në 30.000 lekë me tatim 0 %, mbi këtë shumë 9% Taksë e sheshtë ( tatimfitimi, të ardhura), 9% Taksa për dividendin 0 % S’do ketë asnjë ngritje taksash për 4 vite Taksë fikse për biznesin e vogël, që përmbledh të gjitha taksat së bashku e që nuk e kalon 1,5% të xhiros vjetore;
Ulja e taksës për transferimin e pronësisë nga 15%, në 3% Krijimi i tregut privat të kapitaleve, duke ofruar përjashtim nga tatimi mbi fitimin për 2 vitet e para të të gjitha kompanive, që arrijnë të shkëmbejnë në bursën shqiptare.
PENSIONET DHE FAMILJET NË NEVOJË
Pensioni minimal do të bëhet 25 mijë lekë në muaj për të gjithë pensionistët shqiptarë
Skema private te pensionet, përmes kolonave të dyta dhe të treta sipas parimit “kontribuo që të kesh më shumë”. Këto kontribute do të jenë të trashëgueshme.
Faturat e energjisë deri në 300 kw dhe faturat e ujit për konsumin jetik do të paguhen nga shteti për të gjitha familjet në nevojë
Çdo familjeje shqiptare do t’i garantohet minimumi jetik nga shteti
PRONAT, TË PËRNDJEKURIT, LEGALIZIMET
Kompensimi për ish- pronarët do të bëhet sipas vlerës së tregut
Kompensimi i të përndjekurve politikë do të kryhet brenda vitit 2021
Proceset e legalizimit, bashkë me hartimin e një rregulli kombëtar të zhvillimit hapësinor, do të mbyllen brenda vitit 2018
ARSIMI
Dita e shkollës do të bëhet me orar të plotë, 8: 00 deri në 16: 00. Nxënësit do të dalin nga shkolla, atëherë kur dalin prindërit nga puna; Dreka e paguar nga shteti për çdo fëmijë nga 5- 18 vjeç; Asnjë student shqiptar që pranohet në universitetet publike, nuk do ngelet pa shkollë për shkak të pagesës;
10.000 stazhe me pagesë për studentët shqiptarë pas përfundimit të studimeve çdo vit, të paguara me 20.000 lekë në muaj, me qëllim aftësimin profesional dhe punësimin
BUJQËSIA
150 milionë euro në vit investime në bujqësi nga këto; 100 milionë euro do të jetë financimi i drejtpërdrejtë për fermerët dhe të gjithë zinxhirin agro- përpunues;
50 milionë euro do të jenë investimet në infrastrukturë, si vaditje, kullim, rregullim tregjesh dhe siguri ushqimore;
Doganat do t’i pengojnë të gjitha produktet dhe nënproduktet bujqësore, që konkurrojnë në mënyrë të pandershme prodhimet shqiptare përmes tarifave proporcionale apo doganore.