Të përndjekurit, emrat e rinj që marrin këstin e 8
Ministria e Mirëqenies bën gati listat me të përndjekurit që përfitojnë nga fondi 7 milionë USD. 200 emrat e parë që marrin dëmshpërblimin
Janë mbi 700 të dënuar që jetojnë, të cilët marrin këstin e tetë të dëmshpërblimit.
Ministria e Mirëqenies Sociale ka gati listën e plotë të përfituesve nga fondi 7 milionë dollarë. Gazeta boton emrat e 200 familjeve të para, për të cilat është bërë kalimi i parave në bankë, ndërkohë që do të vijohet edhe nesër me publikimin e përfituesve të radhës.
PËRFITUESIT Nga të dhënat zyrtare mësohet se janë rreth 2100 ishtë përndjekur që bëjnë pjesë në kategorinë parësore. Por me fondin e mbetur, nga kalkulimet paraprake është pohuar se, vetëm 1650 prej tyre do të kenë mundësi të marrin këstin e tetë, duke përmbyllur në këtë mënyrë edhe procesin e dëmshpërblimit. Mbi bazën e rendit të përcaktuar, të parët që përfitojnë janë të dënuarat gra dhe ata që janë në moshë mbi 75 vjeç. Në lidhje me procesimin e pagesave, burime nga Ministria e Mirëqenies Sociale sqarojnë se kalimi i parave në bankë është bërë vetëm për një pjesë të përfituesve, për pjesën tjetër disbursimi është vetëm çështje ditësh. TRASHËGIMTARËT Paralelisht me shlyerjen e këstit të tetë për të dënuarit që jetojnë, po vijohet edhe me pagesat për trashëgimtarët. Fondi i adresuar për këtë kategori kap vlerën e 6 milionë dollarëve dhe deri më tani vetëm 10% e tij është arritur që të ndahet. Aktualisht puna po vijon me këstin e dytë, ndërkohë që ende nuk është konfirmuar zyrtarisht se kur do të nisë pagesa e radhës.