Shkarkimi i shefave të 3 komisariateve

Disa ditë më parë, ministri i Brendshëm Dritan Demiraj, përmes një deklarate për shtyp, tha se punonjësit e Policisë edhe pas orarit të punës nuk mund të angazhohen në fushatë. Kjo është e sanksionuar me ligj, sipas tij, dhe përbën vepër penale. Punonjësit e Policisë së Shtetit dhe ata të Burgjeve rrezikojnë deri në 5 vjet burg në rast të përfshirjes në fushatë apo mbështetjes së ndonjë subjekti politik. Duke cituar ligjin për Policinë e Shtetit dhe Kodin Penal, Dritan Demiraj, tha se Policia e Shtetit është e politizuar dhe si e tillë, nuk mund të përfshihet në asnjë veprimtari politike. Pas kësaj deklarate, në një intervistë për “Zërin e Amerikës”, Demiraj deklaroi se kishte pasur incidente mes simpatizantëve të LSI- së dhe PS- së, por Policia është e angazhuar për të qëndruar larg incidenteve. “Kam kërkuar disa shkarkime, të 3 shefave të komisariateve, që nuk kanë qenë në lartësinë e detyrës. Për shefin e Komisariatit të Pukës, të Dibrës dhe të Gramshit”, u shpreh Demiraj pak ditë më parë.