VASILI

Kryetari i LSI- së, Petrit Vasili, ka sqaruar dje pse u padit Edi Rama në prokurori për thirrjet ndaj policisë. "Më kanë pyetur se pse shkuam në padi ndaj kryeministrit për thirrjen e punonjësve të Policisë së Shtetit për pjesëmarrje në fushatë elektorale, edhe pasi ai kërkoi ndjesë publike. Ja pse: Sepse nuk ka dy drejtësi. Një drejtësi për kryeministrin që e kalon me një ' më fal"' dhe një drejtësi tjetër për specialistin e thjeshtë të një ndërmarrjeje publike, i cili mund të jetë pushuar menjëherë nga puna për një foto të gjetur diku nga TaskForca, me të cilën po bashkëjetojmë në kushte të panatyrshme", tha ai.