Reagimi i familjes Çapja: Mos spekuloni me të vërtetën

Pak orë pas ngjarjes së ndodhur në qytetin e Elbasanit, familja Çapja reagoi për mediat duke u distancuar nga ajo që kishte ndodhur. Reagimi erdhi pas dyshimeve se atentati kishte ardhur për shkak të konfliktit të hasmërisë mes familjes Beqiri dhe Çapja. Në reagimin e shkurtër u kërkohet mediave që të mos aludojnë mbi autorët e atentatit, duke thënë se familja e tyre ka vuajtur shumë nga shtrembërimi i së vërtetës. "Të nderuar zonja dhe zotërinj të mediave. Në emër të familjes Çapja dhe të ligjit, ju kërkoi të mos spekuloni me të vërtetën dhe lajmin. Në të kaluarën familja jonë ka vuajtur shtrembërinë e së vërtetës. Ka ardhur koha që mediat të marrin përgjegjësin e së vërtetës. Me respekt familja Çapja", thuhet në reagimin e familjes Çapja. Në qershor të vitit të kaluar, në një atentat të ndodhur në periferi të Elbasanit, u vranë tre pjesëtarë të familjes Çapja dhe u plagosën tetë të tjerë. Autorët e atentatit ende nuk janë zbardhur, ndërkohë që nga pamjet e kamerave të sigurisë shiheshin persona të veshur me uniformë komandoje që qëllonin me armë në drejtim të lokalit të tyre.