Goditet grupi, grabiti 13 banesa e lokale në Tiranë
Aksioni në Tiranë, hajdutët kapen me sasi hashashi
Tre persona janë vënë në pranga nga Policia e Tiranës të akuzuar për të paktën 13 vjedhje banesash e lokalesh.
Arrestimi i tyre u krye gjatë një operacioni të koduar "Fillim Vere", të shërbimeve të Komisariatit nr. 2. Deri tani Policia ka dokumentuar me prova implikimin e tyre në vjedhje banesash e lokalesh të ndodhura në territorin e 5 Komisariateve të Tiranës, atij nr. 1, nr. 2, nr. 3, nr. 4 dhe nr. 6. Burime zyrtare të Policisë thanë se të arrestuarit janë Arbër Arifaj, 31 vjeç, Ndriçim Koka, 28 vjeç, i dënuar më parë për armëmbajtje pa leje, dhe Olsian Çiku, 22 vjeç, i dënuar më parë për vjedhje. Në juridiksionin e Komisariatit nr. 2 ata dyshohen të kenë realizuar 6 grabitje banesash, ku kanë marrë kryesisht bizhuteri, por edhe shuma të ndryshme parash, si dhe telefona e laptopë. Në juridiksionin e Komisariatit nr. 1 kanë vjedhur dy banesa, ku kanë marrë 1 mijë euro dhe disa bizhuteri. Dy banesa kanë vjedhur edhe në territorin që mbulon Komisariati nr. 3, ku kanë marrë shuma të konsiderueshme parash. Edhe në territorin që mbulon Komis- ariati nr. 4 kanë grabitur një shtëpi, ku kanë vjedhur një sasi parash, bizhuteri e një kasafortë bosh, si dhe një dyqan të një kompanie telefonike, ku kanë marrë 350 mijë lekë të rinj e disa celularë. Ndërsa dyshohet të kenë grabitur edhe 50 mijë lekë të rinj në një banesë në FushëMëzes. Policia tha dje se këta persona i kryenin vjedhjet duke thyer bravat e dyerve dhe më pas hynin në banesë ku merrnin sendet me vlerë. Pasi realizonin vjedhjet, ata i linin sendet në afërsi të liqenit të Kasharit, ku dhe janë gjetur disa nga paketimet e bizhuterive të dyshuara të vjedhura nga këta shtetas. Gjithashtu në momentin e arrestimit, shteta- sit Ndriçim Koka i është gjetur me vete dhe sekuestruar në cilësinë e provës materiale 11.4 gramë lëndë e dyshuar narkotike e llojit kanabis sativa. Burimet thanë se vijojnë hetimet për të provuar nëse ata mund të jenë të përfshirë edhe në raste të tjera vjedhjesh që janë denoncuar së fundmi në territorin e Tiranës.