Hetimet, zjarri në Portugali ishte i qëllimshëm

Hetimet për zjarrin më të keq që mund të ketë ndodhur ndonjëherë në Portugali kanë hedhur dyshime se ai mund të ketë qenë i qëllimshëm dhe jo i shkaktuar nga një rrufe stuhie të thatë, siç besohej deri një ditë më parë. Zjarri, i cili ka shkaktuar më shumë se 60 të vdekur, mund të ketë nisur nga një dorë kriminale, sipas shefit të zjarrfikësve, Jaime Marta Soares. Vetëtima që ka goditur një pemë, e cila besohej si ishte fillesa e zjarrit në zonën malore të Portugalisë, kishte rënë në fakt dy orë pasi kishte nisur zjarri. "Jam i bindur se vetëtima goditi shumë më vonë se shpërthimi i zjarrit, dhe zjarri tashmë ishte i madh", ka thënë Soares. Ai shtoi se beson se zjarri është ndezur me qëllim dhe ka bërë thirrje për një hetim më të detajuar për ta zbuluar të vërtetën.