Paulinjo pëlqehet nga Valverde, por PSG- ja bllokon Verratin
Mesfushori brazilian Paulinjo mund të kthehet sërish në futbollin që vlen. Prej dy vitesh aktivizohet në kampionatin kinez me skuadrën Guanzhu Evergrande, por paraqitjet pozitive që ka bërë me kombëtaren e kanë ndihmuar për të qenë në qendër të vëmendjes. 28- vjeçari ka përfunduar në radarët e Barcelonës dhe trajneri Valverde ka shprehur dëshirën për ta afruar për sezonin e ardhshëm. Drejtuesit kanë nisur bisedimet me lojtarin dhe me klubin kinez. Marko Verrati është objektivi kryesor i Barcelonës, por PSG- ja nuk ka ndër mend ta largojë. Lajmin e ka bërë të ditur drejtori sportiv i francezëve, Patrik Klajvert. Ai ka thënë se nuk ka asnjë qëllim për t'u privuar nga shërbimet e tij. "Verrati është objektiv i Barcelonës dhe ne jemi në dijeni për këtë, por presidenti nuk do ta lërë të largohet. Për më tepër, ai vlen më shumë sesa 100 milionë euro", tha holandezi, duke u dhënë një sinjal të qartë katalanasve.