U kris me Bajernin, Çelsi e Junajtid duan Levandovskin

Bajerni ka kërcënuar klubet rivale se do t'i denoncojë në FIFA në rast se ato i afrohen në mënyrë të paligjshme sulmuesit të tyre, Robert Levandovski. Çelsi dhe Mançester Junajtid janë dy klubet që kanë shfaqur interes për sulmuesin polak të kampionëve të Gjermanisë dhe gjatë javëve të fundit kanë kontaktuar me menaxherin e lojtarit kur mësuan se ai nuk ishte më i lumtur në "Allianz Arena", pas një fërkimi me trajnerin Ançeloti. "Kontrata e Levandovskit skadon në vitin 2021. Ai nuk e ka firmosur atë shumë kohë më parë. Levandovski nuk dëshiron të largohet nga Bajerni. Nuk ka asnjë negociatë me klube të tjera dhe nuk do të ketë. Nëse ato negociojnë me lojtarë me kontrata afatgjatë, atëherë rrezikojnë penalitetet e FIFA- s", thuhej në deklaratën zyrtare të klubit gjerman.