ISIS akuzon SHBA- të për shkatërrimin e xhamisë al- Nur, provat flasin ndryshe
Xhamia e Madhe e al- Nurit, e cila qëndronte mbi Mosul prej 800 vitesh, është rrënuar nga luftëtarët e ISIS në kohën kur trupat irakiane dhe ato aleate të tyre i kanë rrethuar militantët deri në 50 metra larg portave të xhamisë ikonike. Por agjencia e lajmeve "Amaq", e cila raporton për ISIS, ka njoftuar se xhamia u shkatërrua nga një sulm ajror i SHBAve. Koalicioni i udhëhequr nga SHBA- të e mohoi këtë, madje ka sugjeruar se ISIS e kishte hedhur në erë xhaminë, pasi u tërhoqën. Pamjet në video të publikuara nga komanda e operacioneve të përbashkëta të Irakut për gazetarët, ofron shansin më të mirë për të vlerësuar se si ishte rrënuar xhamia madhështore historike. Pamjet ishin filmuar nga kamerat që ushtria irakiane kishte vendosur përgjatë vijës së frontit të Mosulit për të parë pozicionet e ISIS. Pas shqyrtimit të videos, një numër ekspertësh thanë se shpërthimi duket se ka ardhur nga brenda ndërtesës dhe jo si pasojë e një sulmi ajror nga lart. "Nuk mund ta imagjinoj se si një bombë ajrore mund të prodhonte efektet e treguara në video", ka thënë Sidney Alford, kryetar i "Alford Technologies Limited" dhe një ekspert kryesor në teknikat e asgjësimit të bombave. Edhe ekspertë të tjerë kanë rënë dakord. Sipas Ben Goodlad, një analist i lartë i mbrojtjes në "IHS Markit", "është e qartë se ky nuk mund të ishte një sulm ajror, sepse ka shpërthime të shumta në nivele të ndryshme të minares. Kjo tregon se ka pasur eksplozivë të paravendosur, që përdoren për shkatër- rime ndërtesash". Nuk është e qartë nëse ISIS i kishte vendosur këta eksplozivë në ndërtesë, ose pse do të mohonin shpërthimin nëse e kanë bërë ata. Xhamia ishte vendi i paraqitjes së parë dhe të vetme publike të Abu Bakr al- Bagdadit, udhëheqësit të ISIS, tri vite më parë, kur ai shpalli kalifatin.